पुणे-
पुणे महानगर प्रदेश विकास प्राधिकरण (पीएमआरडीए)च्या वतीने पालकमंत्री गिरीष बापट
यांच्या उपस्थितीत शिरूर तालुक्यातील चौफुला (करंदी फाटा) नगर रोड ते तळेगाव ढमढेरे रस्ता इजिमा १५६ शिक्रापूर
दक्षिण बाजू बाह्यवळण ९ किमी रस्त्याचा भूमिपूजन समारंभ शनिवारी दि.७ जुलैला सकाळी १० वाजता पार पडला.
सदर कार्यक्रमाला अन्न आणि औषध प्रशासन, संसदीय कार्य तथा पालकमंत्री गिरीष बापट, पीएमआरडीएचे महानगर आयुक्त
किरण गित्ते,शिरूर लोकसभा सदस्य खा. शिवाजीराव आढळराव पाटील, अध्यक्ष, जि.प. विश्वासराव देवकाते,
विधानसभा सदस्य, शिरूर, हवेलीचे आमदार श्री. बाबुरावजी पाचर्णे, पं.स. शिरूरचे सभापती पै. सुभाष-अण्णा
उमाप, पं.स. शिरूर उपसभापती मोनिका हरगुडे, केंदूर, पाबळच्या जि. प. सदस्या सविता बगाटे , कोरेगाव- भीमा
सणसवाडी जि. प. सदस्या कुसुम मांढरे, तळेगाव ढमढेरे जि. प. सदस्या रेखा बांदल , जि.प,पुणे माजी सभापती मंगलदास
बांदल, केंदूरच्या पं. स. सदस्या सविता पऱ्हाड , शिक्रापूर गण पं. स. सदस्या जयमाला जकाते, तळेगाव ढमढेरे पं. स.
सदस्या अर्चना भोसुरे, शिक्रापूर ग्रा.पं सरपंच जयश्री भुजबळ, तळेगाव ढमढेरे सरपंच ताई सोनवणे,
पिंपळे जगताप ग्रा.पं, सरपंच पुष्पा जगताप, सणसवाडी ग्रा.पं, सरपंच रमेश सातपुते, कार्यकारी अभियंता एस.बी.देवढे,
वरिष्ठ अभियंता अमित तिडके व स्थानिक सामाजिक कार्यकर्ते, ग्रामस्थ मोठ्या संख्येने उपस्थित होते.
यावेळी महानगर आयुक्त किरण गित्ते म्हणाले, पिंपळे जगताप नगर रोड ते तळेगाव ढमढेरे रस्ता करणे ही मोठी जबाबदारी
पीएमआरडीएवर होती. त्यामुळे शिक्रापूर रस्त्याची वाहतूक कोंडी मोठ्या प्रमाणवर कमी होणार आहे. या दोन्ही ठिकाणी
वाहतूक वर्दळ मोठी असल्याने शिक्रपूर रस्त्यावर नियमित वाहतूक कोंडी होत असते. सणसवाडी ते शिक्रपूर रस्त्यावर
औद्योगीकरण व नागरीकरणासाठी मोठ्या प्रमाणावर झाल्याने वाहतुकीला अडसर निर्माण होत आहे. तसेच ड्रेनेज व्यवस्था हि करून दिली जाणार आहे. जवळपास या भागात ७ रस्ते करण्याचे नियोजन आहे. सदरचा रस्ता अरुंद असल्याने रस्ता
विकसित करण्याची मागणी मागील अनेक दिवसापासून नागरिक करत होते. या रस्त्याच्या विकासकामासाठी १२ कोटी ८८
लाख खर्च प्रस्तावित आहे. सदर कामकाजाला ९ महिन्याचा कालावधी दिलेला आहे.
पालकमंत्री गिरीश बापट म्हणाले, “विकास कामे करीत असताना सामाजिक कामाला प्राधान्य दिले जाणार आहे. सामन
विकास झाला पाहिजे.शिरूर तालुक्यासाठी आतापर्यंत २०० कोटी रुपये विकासकामासाठी दिलेले आहेत. सर्वपक्षीय
सदस्यांनी एकत्रित येऊन काम करणे गरजेचे आहे. पीएमआरडीएच्या माध्यमातून सद्य जलदगतीने विकाकामे हाती घेतली
जात आहेत. वाघोली अग्निशमन केंद्राचा ही जोखमीच्या कामाला मोठ्या प्रमाणावर उपयोग होणार आहे. रस्त्यासाठी
लागणाऱ्या जागा ताब्यात घेताना आधी शेतकऱ्यांचे पुनर्वसन करूनच जमिनी ताब्यात घेतल्या जातील.
शिरूरचे आमदार बाबुराव पाचर्णे यांनी देखील मनोगत व्यक्त करताना तळेगाव रस्त्याचा प्रश्न अल्पावधीत सुटल्याने समाधानव्यक्त केले. तसेच वाघोली अग्निशमन केंद्र या भागात झाल्याने पीएमआरडीएचे आभार मानले. पिंपळे जगताप नगर रोड तेतळेगाव ढमढेरे रस्ता झाल्याने वाहतूक कोंडीचा प्रश्न या भागातला लवकरच सुटणार आहे.
वाघो ली अग्निशमन केंद्राची पालकमंत्री यांच्याकडून पाहणीयादरम्यान वाघोली अग्निशमन केंद्राची पालकमंत्र्याकडून पाहणी करण्यात आली. या ठिकाणी देखील वेगाने नागरीकरण होतअसल्याने जवळच्या परिसरात एकही अग्निशमन केंद्र उपलब्ध नाह. अनेकदा जीवित व वित्त हानी होत असल्याने अग्निशमनकेंद्र या भागात होणे अत्यावश्यक होते. याकरिता ही गरज लक्षात घेता पीएमआरडीएने नागरिकांची ही मागणी पूर्ण केली आहे.