पुणे- राष्ट्रवादीच्या नगरसेविका नंदा लोणकर यांची ,महिला अवमानाच्या विरोधातील तहकुबी अक्षरशः झुगारून देवून त्यांची मुस्कटदाबी महापालिकेच्या सभागृहात करण्यात आली असा आरोप राष्ट्रवादीच्या महिला नगरसेविकांनी केला आहे. तहकुबी स्वीकारा अथवा फेटाळा… पण तिला अशा प्रकारे थेट झुगारून महिलांना डावलण्याचे कारस्थान करू नका असे सभेनंतर नगरसेविकांनी सांगितले . 2 तहकुबी आल्या नंतर महापौरांनी काय केले पाहिजे यावर नंतर चर्चासत्रे रंगू लागली .
महापालिकेच्या सुरक्षा रक्षकांच्या कपातीचा आज मनसेच्या नगरसेवकांनी तीव्र निषेध नोंदवत पालिकेच्या सभागृहात सुरक्षा रक्षकाच्या वेशभूषेत प्रवेश केला.सुरक्षा विभागात कंत्राटी पद्धतीने सुमारे 1700 ते 1800 सुरक्षा रक्षक करतात. मात्र ही संख्या अतिरिक्त असल्याने 900 कर्मचारी कमी करण्याचा निर्णय घेण्यात आला आहे. त्यानुसार पालिका प्रशासनाने ९०० सुरक्षारकांची निविदा मान्य केली आहे. त्यामुळे अतिरिक्त सुरक्षारक्षकांचे काय करायचे असा प्रश्न निर्माण झाला. या विरोधात मनसेने आज आंदोलनासाठी पालिकेच्या मुख्यसभेत सुरक्षा रक्षकाच्या वेशभूषेत प्रवेश केला. तर नोटबंदीविरोधात भाजप बरोबर असलेल्या शिवसेनेच्या नगरसेवकानी पुणे महापालिका मुख्यसभेमध्ये काळ्या टोप्या परिधान करून प्रवेश केला . पण ही पहिली मुख्य सभा माजी नगरसेवक सतीश लोंढे आणि सकाळ चे पत्रकार आशिष जाधव आदी मान्यवरांच्या दुखद निधनामुळे श्रद्धांजली वाहून तहकूब करण्यात आली. मात्र तत्पूर्वी ६५ विषय मोठ्या खुबीने दाखल करवून घेण्यात आले .
त्यानंतर सुरु झाली ऑक्टोबर कार्य पत्रिकेवरील विषयांसाठीची मुख्य सभा . नगरसचिव यांनी ही कार्यपत्रिका पुकारली .. पण नेत्यांचा कल तहकुबीचा दिसला . आणि नगरसेविका नंदा लोणकर यांनी,’ दारूला महिलांचे नाव द्या ‘ अशा वक्तव्याबाबत मंत्री महाजन यांचा निषेध करणारी तहकुबी दिली .तर सभागृह नेते यांनी कोणतेही कारण नसलेली सभा तहकुबी दिली . आणि नंतर काय झाले ते आपण प्रत्यक्षच पहा (व्हिडीओ)