पुणे-येवलेवाडी विकास आराखडा करताना भाजपचे आमदार योगेश टिळेकर आणि बिल्डर त्यागी तसेच नियोजन सामीचे सदस्य आणि महापालिकेचे अधिकारी यांनी संगनमत करून मोठा घोटाळा केला आणि ५० एकर जागेवर निवासी झोन टाकला ..असा आरोप मनसे चे महापालिकेतील गटनेते वसंत मोरे यांनी केला आहे .आज पत्रकार परिषद घेवून त्यांनी हा आरोप केला . उद्या येवलेवाडी चा विकास आराखडा महापालिकेच्या मुख्य सभेत मंजुरीसाठी येत आहे .या पार्श्वभूमीवर मोरे यांनी केलेल्या या आरोपांमुळे हा विकास आराखडा घोटाळ्यात अडकण्याची चिन्हे निर्माण झाली आहे .
आमदार टिळेकर यांनी पदाचा गैरवापर करून डोंगरमाथा-डोंगरउतार असलेली सुमारे पन्नास एकर जागा संबंधित बिल्डरला निवासी झोन करून दिली आहे. येवलेवाडीचा विकास आराखड्याला अंतिम मान्यता देताना अनेक नियमबाह्य गोष्टी करण्यात आल्या आहेत. साडेसहा एकर मैदानाचे आरक्षण पूर्णपणे डोंगर असलेल्या ठिकाणी करण्यात आलेले आहे, असा आरोप नगरसेवक मोरे यांनी केला आहे.
भारतीय जनता पार्टीचे पुण्यातील हडपसरचे आमदार योगेश टिळेकर कामकाजासाठी वापरत असलेली मर्सिडिस मोटार ही येवलेवाडीतील विकास आराखड्याबाबत एका बिल्डरला केलेल्या मदतीचे बक्षीस म्हणून मिळाल्याचा गंभीर आरोप नगरसेवक वसंत मोरे यांनी केला आहे. अशा प्रकारे सत्तेचा दुरूपयोग करणाऱ्या आमदार टिळेकर यांनी आमदारकीचा राजीनामा द्यावा, अशी मागणी मोरे यांनी केली आहे.
पहा आणि ऐका नेमके वसंत मोरे यांनी काय म्हटले आहे .