पुणे-महापालिका कर्मचारी यांच्या ग्रेड पे चा विषय अजून मार्गी लागतो लागतो तोच आता पुन्हा महापालिका अतिरिक्त आयुक्त शीतल उगले आणि त्यांचे सहकारी अधिकारी यांच्या कामकाजाच्या पद्धती विरोधात पालिकांच्या शाळेतील शिक्षकांनी महापालिकेच्या मुख्य भवनासमोर आमरण उपोषण सुरु केले आहे .
सर्व माध्यमांच्या शाळांतील मुख्याध्यापक ,पर्यवेक्षक ,प्रशासन अधिकारी यांची प्रमोशन्स या अधिकार्यांनी रोखून धरल्याचा आरोप होतो आहे . तसेच वरिष्ठ वेतन श्रेणी ,निवड श्रेणी,पदवीधर वेतन श्रेणी ,लागू केल्या पाहिजेत त्याकडे दुर्लक्ष करण्यात येत आहे .या व्यतरिक्त उपोषण कर्त्या शिक्षकांनी अन्य काही मागण्या हि मांडल्या आहेत . ….अतिरिक्त आयुक्त शीतल उगले यांच्या कामकाजाच्या पद्धती विरोधात सत्ताधारी नगरसेवकांनी मोहीम उघडली होती .त्याच वेळी कर्मचाऱ्यांनी हि मोठा मोर्चा महापालिकेवर आणला होता . पालिकेच्या मुख्य सभेत हि यावर ‘अप्रत्यक्ष पणे ‘ त्यांची कानउघाडणी करण्यात आली होती .पण हे सारे प्रयत्न निरर्थक ठरलेत कि काय ? असा प्रश्न या आंदोलनामुळे उपस्थित होतो आहे . सत्ताधारी आणि उगले यांच्यातील संघर्षात कर्मचारी देखील आपल्या व्यथा मांडत आहेत . मुंडे आणि देशभ्रतार अशा दोन अधिकाऱ्यांच्या संदर्भात उपस्थित झालेल्या मुद्द्यांमुळे त्या त्या वेळी कॉंग्रेस आणि राष्ट्रवादी ने सत्ताधारी भाजपच्या सुरात सूर मिसळला होता .उगले यांच्या बाबतीत मात्र तसे होताना दिसत नाही . कॉंग्रेस आणि राष्ट्रवादी उगले यांच्या पाठीशी असल्याचे चित्र आहे .
पहा हा व्हिडीओ रिपोर्ट…
