शहर तहसीलदारांकडे मागणी.
पुणे : मागील वर्षी २५ सप्टेंबर रोजी शहरात झालेल्या अतिवृष्टीमुळे मोठ्या प्रमाणावर पूर आला होता. शहरातील सर्वात मोठ्या आंबील ओढ्याचे त्यामध्ये सर्वाधिक नुकसान झाले होते. या ओढ्या शेजारी राहणाऱ्या नागरिकांना आपले प्राण गमवावे लागले होते. यामध्ये जीवित आणि मालमत्तेची मोठ्या प्रमाणावर हानी झाली होती. पूरग्रस्तांना अद्यापही शासनाकडून मिळणारी आर्थिक मदत पुरेशा प्रमाणात मिळालेली नाही. त्यामुळे या पूरग्रस्त नागरिकांना शासनाने जाहीर केलेली १५ हजारांची आर्थिक मदत पूर्णपणे मिळावी अशी मागणी नगरसेविका आणि स्थायी समितीच्या अध्यक्षा अश्विनी कदम यांनी पुणे शहर तहसीलदार तृप्ती कोलते यांच्याकडे केली आहे. पुरग्रस्तांच्या हक्काच्या आर्थिक मदतीची उर्वरित राहिलेली रक्कम ऑनलाईनद्वारे बँकेत जमा होण्याकरिता, कदम मागील काही दिवसांपासून तहसीलदार कोलते यांच्याशी संपर्क ठेवून आहेत.
याबाबत कदम यांनी सांगितले की, ‘पुरग्रस्तांच्या हक्काची शिल्लक असलेली “आर्थिक मदत” त्यांच्यापर्यंत आताच पोहचली, तर मोलाची मदत ठरेल. ही मदत यशस्वीरीत्या त्यांच्यापर्यंत पोहचविण्यासाठी आवश्यक ते सर्व सहकार्य देण्याची तयारी कदम यांनी दर्शविली आहे. या कोरोनाच्या कठीण संकटकाळात लोकप्रतिनिधी असल्याने ६ महिन्यांपूर्वी इतिहासात पहिल्यांदा नैसर्गिक आपत्ती म्हणून घडलेल्या आंबिल ओढा महापूराची सातत्याने आठवण होत राहते. पर्वती मतदारसंघातील अनेक भागांमधील घरे, वसाहती, सोसायट्या व बंगले यांमधील नागरिकांना (कुटुंबांना) मोठ्या संकटाला सामोरे जावे लागले होते. अशा ह्या सर्व पूरग्रस्त भागातील नागरिक आता कुठेतरी उभारी घेत असताना मार्च महिन्याच्या अखेरीस कोरोना सारख्या महाभयंकर विश्वव्यापी संकटामुळे संपूर्ण देशात लॉकडाऊन घोषित करावा लागला व संपूर्ण देश थांबला. तब्बल हा लॉकडाऊन ४० दिवसांच्या वर व अजून पुढे किती जाईल माहीत नाही? असेही कदम म्हणाल्या.
यावर कोलते यांनी , एकूण ४६५५ कुटुंबांपैकी आतापर्यंत २७४६ कुटुंबांना संपूर्ण १५ हजार रुपये चेक स्वरूपात वाटप करण्यात आले असून, उर्वरित १९०९ कुटुंबांपैकी काही कुटुंबांना १० हजार रुपये, तर काहींना १५ हजार रुपये द्यायचे शिल्लक आहेत. पण सध्याच्या कोरोनाच्या प्रादुर्भावामुळे ही मदत चेक स्वरूपात पोहचविण्यासाठी मोठी अडचण येत आहे. यातील काही जणांनी बँक खात्याची माहिती दिली असली तरी रक्कम ऑनलाईन अदा करण्यासाठी अपूरी असल्यामुळ रक्कम ऑनलाइन अदा करण्यास अडचणीचे ठरत आहे, तरी आपल्या मार्फत नागरिकांना आवाहन करावे की, खालील Whatsapp नंबर वर बँक खात्यांची माहिती पुन्हा पाठविण्यात यावी, असे कोलते यांनी कदम यांना सांगितले.
या परिस्थितीमध्ये लवकरच संबंधित पूरग्रस्तांची बँक खात्यांची माहिती मागविण्यासाठी योग्य उपाययोजना करण्याचे काम चालू असून त्यांच्या बँक खात्यांमध्ये ऑनलाईन रक्कम अदा करण्यात येईल व आपणही सहकार्य करावे असे कोलते यांनी आश्वासित केले.
खालील Whatsapp नंबर वर पूरग्रस्तांची बँक खात्याची माहिती मागविली आहे. तरी लाभार्थी सर्वांनी योग्यरीत्या माहिती पाठवावी व कर्तव्य म्हणून इतरांनाही व्हाट्सअप्प, फेसबुक व फोन करून सांगावे.
■ सध्याच्या या कोरोनाच्या लॉकडाऊनच्या काळात रक्कमेचे चेक प्रत्यक्षात मिळू किंवा देऊ शकत नसल्या कारणाने,
■ ज्यांच्या नावाने कुटुंब प्रमुख म्हणून फॉर्म भरला अशांचे (अगोदरचे ज्यांच्या नावाने चेक मिळाले त्यांचे) चालू बचत खाते असलेल्या बँकेच्या पासबुकचा (मुखपृष्टवरील) एकदम व्यवस्थित फोटो.
■ म्हणजेच ठळक सर्व माहिती दिसेल असा फोटो, Clear Image photocopy-
● Account Name
● Saving Account No. (All digit)
● IFSC Code
● Branch Name
* या संपूर्ण माहिती सहित खालील व्हाट्सअप्प (Whatsapp) नंबर वर सेंड करायचा आहे.*
* प्रज्ञा पंडित-तलाठी
9604436032
* सजाउद्दीन शेख-सहाय्यक
9860121184
अशी माहिती नगरसेविका आणि स्थायी समिति च्या माजी अध्यक्षा सौ. अश्र्विनी नितीन कदम यांनी प्रसिद्धी साठी कळविली आहे.