सूरतमधील हिरे व्यापाऱ्याप्रमाणे पुण्यातील पनामा ग्रुप व फाउंडेशनकडून कर्मचाऱ्यांच्या पुढच्या पिढीसाठी कार्य सुरु
पुणे : पनामा फाउंडेशनच्या वतीने आपल्या संस्था व उद्योगामध्ये काम करणाऱ्या कर्मचाऱ्यांच्या मुलांचे भवितव्य सुरक्षित करण्यासाठी त्यांच्या शिक्षणासाठी काम सुरु केले आहे. हे काम पाहिल्याल आपल्याला सूरतमधील हिरे व्यापारी सावजी ढोलकिया त्यांच्या कर्मचाऱ्यांसाठी करीत असलेल्या कार्याची आठवण होते. कर्मचाऱ्यांच्या मुलांना पनामा फाउंडेशन शिक्षणासाठी गेली तीन वर्षे शिष्यवृत्ती देत असून त्याचे वाटप करण्यात आले.
विमाननगर येथील पनामा हाऊसमध्ये या सोहळ्याचे आयोजन करण्यात आले होते. मागील तीन वर्षापासून शैक्षणिक गुणवत्तेचे निकष पूर्ण करणाऱ्या कर्मचाऱ्यांच्या मुलांना या शिष्यवृत्तीचे वाटप करण्यात येते. याप्रसंगी पनामा फाउंडेशनचे अध्यक्ष समीर लडकत, मानसी लडकत, गाैतम लडकत, सागर शहा आदी मान्यवरांसह कर्मचारी व विद्यार्थी मोठ्यां संख्येनं उपस्थित होते.
पनामा फाउंडेशन मागील अनेक वर्षापासून व्यवसायाबरोबरच समाजामध्ये शैक्षणिक, सामाजिक, आरोग्यविषक जनजागृती आदी विविध प्रकारचे उपक्रम राबवित आहे. फाउंडेशनच्या माध्यमातून आतापर्यंत हजारो विद्यार्थ्यांना शैक्षणिक साहित्याचे वाटप करण्यात आले आहे. एवढेच नाही तर बीड व उस्मानाबाद या दुष्काळग्रस्त जिल्ह्यांमध्ये देखील फाउंडेशनतर्फे विविध प्रकारचे समाजहिताचे उपक्रम राबविले आहेत.
कोणत्याही चांगल्या उपक्रमाची सुरूवात आपल्यापासून करायला हवी या विचाराने आपल्या कर्मचाऱ्यांच्या मुलांना शिक्षणासाठी मदत करण्याचा निर्णय घेतला. शिक्षणामुळे माणसाची प्रगती होते. त्यामुळे हे काम हाती घेतले आहे, असे समीर लडकत यांनी यावेळी सांगितले.