खासदार सुप्रिया सुळे यांनी कोपर्डी प्रकरणावर आपली प्रतिक्रिया व्यक्त केली आहे. ‘कोपर्डीच्या आमच्या पीडित भगिनीला अखेर न्याय मिळाला याचे आंतरिक समाधान आहे. माननीय न्यायालयाने सुनावलेल्या कठोर शिक्षेमुळे या वृत्तींना धरबंद बसेल अशी अपेक्षा आहे. या निकालामुळे पीडितांना, महिला व युवतींना दिलासा मिळाला आहे. आरोपींना सुनावण्यात आलेल्या शिक्षेची लवकरात लवकर अंमलबजावणी करण्यात यावी.’ अशी मागणी त्यांनी केली.
कोपर्डीतील अल्पवयीन मुलीवर बलात्कार आणि खूनप्रकरणी आज जिल्हा आणि सत्र न्यायालयाने जितेंद्र उर्फ पप्पू बाबूलाल शिंदे (वय 25), संतोष गोरख भवाळ (वय 30), नितीन गोपीनाथ भैलूमे (वय 26) या तिन्ही दोषींना फाशीची शिक्षा सुनावली. न्यायालयाने 18 नोव्हेंबरला त्यांना दोषी ठरविले होते.
