पुणे-राष्ट्रवादी काँग्रेस पक्षाच्या 2018 ते 2020 या कालावधीसाठी महाराष्ट्रातील 24 जिल्हाध्यक्षांच्या नियुक्त्या जाहीर आहेत. यामध्ये पुणे जिल्हा राष्ट्रवादी काँग्रेसच्या अध्यक्षपदी प्रदीप गारटकर यांची नियुक्ती करण्यात आली आहे.
महाराष्ट्राच्या विविध जिल्हाध्यक्षपदासाठी पक्षांतर्गत निवडणूक होऊन प्रदेशाध्यक्ष जयंत पाटील यांनी जिल्हाध्यक्षांची नावे जाहीर केली. उर्वरित जिल्हाध्यक्षांच्या नियुक्त्या लवकरच जाहीर करण्यात येणार असल्याचे पक्षाच्या वतीने सांगण्यात आले आहे.
निवडण्यात आलेल्या नवनियुक्‍त जिल्हाध्यक्षांची नावे आणि त्यापुढील कंसात जिल्हयाचे नाव नमुद करण्यात आले आहे. बाबाजी गोपाळराव जाधव (रत्नागिरी), प्रमोद घोसाळकर (रायगड), अनंत लक्ष्मण सुतार (नवी मुंबई), प्रकाश शंकर दुबोले (मिरा भाईंदर), सुनिल भुसारा (पालघर), प्रदीप गारटकर (पुणे ग्रामीण), सुनिल गुलाबराव माने (सातारा), विलासराव शिंदे (सांगली ग्रामीण), दिपक (आबा) साळुंके पाटील (सोलापूर ग्रामीण), मनोज दादासाहेब मोरे (धुळे शहर), किरण एकनाथ शिंदे (धुळे ग्रामीण), राजेंद्र गावीत (नंदुरबार), डॉ. निसार अहमद देशमुख (जालना), आमदार राणा जगजितसिंह पाटील (उस्मानाबाद), मकरंद भालचंद्र सावे (लातूर शहर), बाबासाहेब पाटील (लातूर ग्रामीण), अ‍ॅड. नाझीर हुसेन काझी (बुलढाणा), राजकुमार दिपचंद मुलचंदानी (अकोला शहर), राजेंद्र महल्‍ले (अमरावती शहर), सुनिल वर्‍हाडे (अमरावती ग्रामीण), सुनिल राऊत (वर्धा), अनिल अहिरकर (नागपूर शहर), नाना पंचबुध्दे (भंडारा) आणि पंचम बिसेन (गोंदिया).
