पुणे – शेतकरी विरोधी कायदे रद्द करावेत या मागणीसाठी पुकारलेल्या बंदमध्ये आधार सेवा केंद्राचे कार्यकर्ते सहभागी झाले. निदर्शने, मोर्चा असा मार्ग न हाताळता त्यांनी शिवदर्शन भागात गांधीमार्गाने आंदोलन केले.
आधार सेवा केंद्राचे अध्यक्ष हेमंत बागुल आणि त्यांच्या सहकाऱ्यांनी शिवदर्शन परिसरातील दुकानदार आणि व्यावसायिकांना गुलाबाचे फूल देवून बंदमध्ये सहभागी व्हावे आणि शेतकऱ्यांच्या मागण्यांना पाठिंबा द्यावा अशी विनंती केली. सर्व दुकानदारांनी त्यांच्या विनंतीला प्रतिसाद दिला आणि दुकाने बंद ठेवली. गांधीमार्गाने झालेल्या आंदोलनात हेमंत बागुल, अशोक शिंदे,महेश ढवळे, योगेश निकाळजे, निखिल सोनावणे, राहुल जाधव, कुमार खटावकर, सुयोग धाडवे, इर्शाद शेख, सचिन पवार, प्रज्ञावंत जाधव,रोहित शिंदे, विशाल लोणारे, राम रणपिसे,आकाश खटावकर,दिनेश पवार,आदी कार्यकर्ते सहभागी झाले होते.