अमिताभ बच्चन आणि कतरिना कैफ यांच्या जोडीने आता सारा अली खानही बनणार ब्रँडचा चेहरा
पुणे | प्रतिनिधी
भारतातील आघाडीच्या आणि सर्वाधिक विश्वासार्ह ज्वेलरी ब्रँडपैकी एक असलेल्या कल्याण ज्वेलर्सने अभिनेत्री सारा अली खान हिची नवीन ब्रँड अॅम्बेसेडर म्हणून नियुक्ती केली आहे. यापूर्वी ब्रँडशी जोडलेले अमिताभ बच्चन आणि कतरिना कैफ यांच्या प्रतिष्ठित यादीत आता सारा अली खानचाही समावेश झाला आहे.
कल्याण ज्वेलर्सने ही नियुक्ती देशभरातील विविध वयोगटांतील ग्राहकांशी अधिक प्रभावी नाते निर्माण करण्याच्या उद्देशाने केली आहे. आधुनिक विचार, आत्मविश्वास आणि भारतीय संस्कृतीशी असलेली नाळ यामुळे सारा अली खान आजच्या तरुण पिढीचे प्रभावी प्रतिनिधित्व करत असल्याचे कंपनीने म्हटले आहे.
आगामी काळात सारा अली खान कल्याण ज्वेलर्सच्या टेलिव्हिजन, डिजिटल, प्रिंट, आउटडोअर आणि इन-स्टोअर जाहिरात मोहिमांमध्ये झळकणार असून सण-उत्सव आणि विशेष प्रसंगांसाठीच्या दागिन्यांच्या संग्रहाचे प्रतिनिधित्व करणार आहे.
कल्याण ज्वेलर्सचे एक्झिक्युटिव्ह डायरेक्टर रमेश कल्याणरमन यांनी सांगितले की, “साराच्या व्यक्तिमत्त्वात आत्मविश्वास, साधेपणा आणि भारतीय संस्कृतीबद्दलचा आदर दिसून येतो. त्यामुळे ती कल्याण ज्वेलर्सच्या मूल्यांशी पूर्णपणे सुसंगत आहे.”
यावेळी सारा अली खान म्हणाली, “गुणवत्ता, उत्कृष्ट कारागिरी आणि पारदर्शकतेमुळे कल्याण ज्वेलर्सने ग्राहकांचा विश्वास जिंकला आहे. या प्रतिष्ठित ब्रँडचा भाग होताना मला आनंद होत असून या नव्या प्रवासासाठी मी उत्सुक आहे.”
गेल्या तीन दशकांपासून ग्राहकांचा विश्वास जपणाऱ्या कल्याण ज्वेलर्सने या नव्या भागीदारीद्वारे पारंपरिक मूल्ये आणि आधुनिकतेचा समतोल अधिक मजबूत करण्याचा निर्धार व्यक्त केला आहे.
