आमदार सिद्धार्थ शिरोळे यांच्याकडून बोपोडी, खडकी आणि औंध भागातील वाहतूक कोंडी व अतिक्रमणाची प्रत्यक्ष पाहणी

पुणे: आमदार सिद्धार्थ शिरोळे यांनी आज
प्रभाग क्रमांक ८ मधील बोपडी, खडकी आणि औंध परिसरातील विविध चौकांमध्ये वारंवार होणारी वाहतूक कोंडी आणि अतिक्रमणांच्या समस्येची गंभीर दखल घेत प्रत्यक्ष पाहणी दौरा केला. नागरिकांना आणि वाहनचालकांना रोज सामोरे जावे लागणाऱ्या या त्रासातून लवकरात लवकर सुटका करण्यासाठी त्यांनी पोलीस प्रशासन आणि पुणे महानगरपालिकेच्या वरिष्ठ अधिकाऱ्यांना सोबत घेऊन घटनास्थळी जाऊन उपाययोजनांची चाचपणी केली.
या दौऱ्यात त्यांच्यासोबत अतिरिक्त पोलीस आयुक्त मनोज पाटील, डीसीपी भाजीभाकरे , खडकी आणि चतुःश्रुंगी वाहतूक पोलीस विभागाची टीम, तसेच पुणे महानगरपालिकेच्या पथ विभाग, बांधकाम विभाग आणि अतिक्रमण विरोधी विभागाचे वरिष्ठ अधिकारी व औंध वॉर्ड ऑफिसची टीम उपस्थित होती.
या प्रमुख ठिकाणांची केली पाहणी:
आमदार सिद्धार्थ शिरोळे आणि अधिकाऱ्यांच्या पथकाने खालील प्रमुख चौकांचा आणि रस्त्यांचा आढावा घेतला:
या सर्व भागात अतिक्रमणा संदर्भात नागरिकांच्या अनेक तक्रारी प्राप्त झाल्या होत्या. त्या पार्श्वभूमीवर आमदारांनी उपस्थित पालिकेच्या अतिक्रमण विभागाला या जागांची प्रत्यक्ष पाहणी करून त्वरित आवश्यक ती कायदेशीर कारवाई करण्याचे निर्देश दिले.
या भागातील सर्व प्रमुख चौकांमध्ये मोठ्या प्रमाणावर ट्रॅफिक जॅम होत असल्याने पुणेकर नागरिकांना आणि वाहनचालकांना रोज मनस्ताप सहन करावा लागत आहे. महापालिका आणि ट्रॅफिक पोलीस यांच्यात योग्य समन्वय साधून, पर्यायी वाहतूक आराखडा तयार करून ही समस्या लवकरात लवकर सोडवणार अशी ग्वाही शिरोळे यांनी दिली.