पुणे- स्थानिक स्वराज्य संस्था मतदारसंघावर राष्ट्रवादी काँग्रेस पार्टीचाच स्वाभाविक दावा असणारच आहे असे येथे माजी आमदार, आणि राष्ट्रवादीचे शहर अध्यक्ष सुनील टिंगरे यांनी केला आहे. काल भाजपच्या महापालिकेतील सभागृह नेते गणेश बिडकर यांनी आमचे ३३३ मतदार असल्याचा दावा केल्यावर महापालिकेतील विरोधी पक्षनेते निलेश निकम यांनी आमचे ३४४ सदस्य मतदार असल्याचा प्रतिदाव केला होता या पार्श्वभूमीवर आज शहर कार्यालयात आयोजित पत्रकार परिषदेत सुनील टिंगरे, का र्याध्यक्ष प्रदीप देशमुख विरोधी पक्षनेते निलेश निकम व राकेश कामठे उपस्थित होते. आज टिंगरे यांनी एकूण ८६७ सदस्यांपैकी तब्बल ३७० सदस्य राष्ट्रवादी काँग्रेस पार्टीचे असून त्याखालोखाल भाजपा व इतर पक्षांचे सदस्य आहेत. असे म्हटले आहे .
महाराष्ट्र विधान परिषदेतील रिक्त जागांसाठी निवडणुका जाहीर करण्यात आल्या असून स्थानिक स्वराज्य संस्था मतदारसंघातील १७ जागांसाठी येत्या १८ जून रोजी मतदान होणार आहे, तर २२ जून रोजी मतमोजणी पार पडणार आहे. या निवडणुकांमध्ये पुणे स्थानिक स्वराज्य संस्था मतदारसंघाचाही समावेश असून या मतदारसंघात एकूण ८६७ सदस्य मतदानाचा हक्क बजावणार आहेत. यामध्ये ७९८ निवडून आलेले तर ६९ नियुक्त सदस्यांचा समावेश आहे.
पुणे महानगरपालिका, पिंपरी-चिंचवड महानगरपालिका, पुणे जिल्हा परिषद, १८ नगरपरिपदा व नगरपंचायती तसेच ३ कॅन्टोन्मेंट बोर्ड या सर्व स्थानिक स्वराज्य संस्थांमधील सदस्यसंख्या लक्षात घेतल्यास राष्ट्रवादी काँग्रेस पार्टीचे सर्वाधिक वर्चस्व स्पष्टपणे दिसून येते. एकूण ८६७ सदस्यांपैकी तब्बल ३७० सदस्य राष्ट्रवादी काँग्रेस पार्टीचे असून त्याखालोखाल भाजपा व इतर पक्षांचे सदस्य आहेत.
पुणे जिल्हा हा सुरुवातीपासूनच राष्ट्रवादी काँग्रेस पार्टीचा बालेकिल्ला राहिला आहे. पक्षाचे राष्ट्रीय अध्यक्ष तथा राज्याचे उपमुख्यमंत्री मा. अजितदादा पवार यांच्या नेतृत्वाखाली पक्षाने पुणे जिल्ह्यात सातत्याने भक्कम संघटन उभे केले आहे. त्यामुळे पुणे स्थानिक स्वराज्य संस्था मतदारसंघावर राष्ट्रवादी काँग्रेस पार्टीचाच स्वाभाविक आणि न्याय्य दावा आहे.
या मतदारसंघाचे राष्ट्रवादी काँग्रेस पार्टीने सातत्याने प्रभावी प्रतिनिधित्व केलेले आहे. स्थानिक स्वराज्य संस्थांमधील सदस्यांचे संख्याबळ, पक्षाची ताकद आणि जनाधार पाहता यावेळीही ही जागा राष्ट्रवादी काँग्रेस पार्टीलाच मिळाली पाहिजे, अशी आग्रही मागणी आम्ही पक्षप्रमुखांकडे केली आहे.
केवळ राजकीय भूमिका घेण्यासाठी किंवा अनाठायी वाद निर्माण करण्यासाठी जर कोणी या जागेवर दावा करत असेल, तर ते योग्य नाही. मित्रपक्ष म्हणून राष्ट्रवादी काँग्रेस पार्टीने नेहमीच महायुतीमध्ये समन्वय आणि सहकार्याची भूमिका घेतली आहे. त्यामुळे आमच्या हक्काच्या जागेबाबत मित्रपक्षांकडूनही त्याच संवेदनशीलतेची आणि सहकार्याची अपेक्षा आहे.
पुणे स्थानिक स्वराज्य संस्था मतदारसंघात राष्ट्रवादी काँग्रेस पार्टी सर्वात प्रबळ पक्ष असून अपक्षांसह मित्रपक्ष देखील आमच्या पाठीशी ठामपणे उभे आहेत, याची आम्हाला पूर्ण खात्री आहे.
