मुंबई – गोदरेज कॅपिटल या गोदरेज समूहाच्या आर्थिक सेवा विभागाने मायक्रो, स्मॉल आणि मीडियम एंटरप्रायजेससाठी (एमएसएमईज) खास तयार करण्यात आलेली विनातारण कर्ज सुविधा लाँच केली आहे. कर्ज मिळवण्यात या व्यवसायांना येणारी आव्हाने आणि त्यांची कॅश फ्लो व्यवस्थापनाची गरज लक्षात घेत गोदरेज कॅपिटलने परतफेडीचे नाविन्यपूर्ण आणि लवचिक पर्यायही उपलब्ध केले आहेत.
या कर्जामध्ये इतर लाभही मिळणार असून त्यात पूर्णपणे डिजिटल प्रक्रिया, जलद मंजुरी आणि वितरण, ६० महिन्यांपर्यंतचा दीर्घ कालावधी तसेच परतफेडीसाठी दिला जाणारा या क्षेत्रात पहिल्यांदाच सुरू करण्यात आलेला रिवॉर्ड प्रोग्रॅम यांचा समावेश आहे.
भारताच्या आर्थिक विकासासाठी एमएसएमईज अतिशय महत्त्वाच्या आहेत. त्यांच्यामुळे रोजगार भरती, नाविन्य आणि एकंदर समृद्धीसाठी योगदान दिले जाते. मात्र, या व्यवसायांना खूपदा वित्तपुरवठ्याचे तातडीने आणि लवचिक पर्याय हवे असतात. तारणाचा अभाव आणि हंगामी व्यवसायाचे चक्र यांमुळे त्यांचा विकास आणि विस्ताराच्या मार्गात अडथळे येतात. त्यासाठी गोदरेज कॅपिटलतर्फे कर्जाचे लवचिक पर्याय उपलब्ध करत एमएसएमईजना त्यांच्या व्यावसायिक चक्राशी सुसंगत पद्धतीने कर्ज फेडण्याची मुभा दिली जाणार आहे.
गोदरेज कॅपिटलतर्फे मुंबई, बेंगळुरू, दिल्ली- एनसीआर, पुणे, अहमदाबाद, सुरत, इंदौर, चेन्नई, हैद्राबाद, जयपूर, चंदीगढ, अल्वार, बडोदा, कोईम्बतू, जालंधर, जोधपूर, कांचीपुरम, मंगलोर, सालेम, लुधियाना, म्हैसूर, नागपूर, नाशिक, राजकोट, उदयपूर, वापी, विजयवाडा, रंगारेड्डी, विशाखापट्टणम आणि ठाणे इत्यादी ठिकाणी व्यावसायिक कर्ज उपलब्ध केले जाणार आहे.
‘एमएसएमईजना येणारी आव्हाने आणि आर्थिक विकासातील त्यांची महत्त्वाची भूमिका यांची आम्हाला जाण आहे. तारणाशिवाय व्यावसायिक कर्ज देणारी उत्पादन श्रेणी विस्तारताना आम्हाला आनंद होत आहे. आम्ही आमचे भौगोलिक अस्तित्व विस्तारले असून आता हे व्यावसायिक कर्ज ३१ बाजारपेठांत उपलब्ध होणार आहे. एमएसएमईजसाठी पसंतीची कर्जपुरवठादार कंपनी बनण्याचे आमचे ध्येय आहे व त्यासाठी नाविन्यपूर्ण, लवचिक आणि व्यवसाय मालकाच्या कॅश फ्लोसाठी पूरक उत्पादने तयार करण्यासाठी बांधील आहोत.’
गोदरेज कॅपिटलने नुकताच निर्माणण हा नवा डिजिटल प्लॅटफॉर्म लाँच करत एमएसएमई मालकांना त्यांचा व्यवसाय विस्तारण्यासाठी सर्वसमावेशक संधी मिळवून दिली आहे. कंपनीने सुरुवातीला अमेझॉन ग्लोबल सेलिंग, ऑनस्युरिटी, झॉल्विट आणि एमएसएमईएक्स यांच्याशी भागिदारी करत बाजारपेठेतील व्याप्ती वाढवली. त्याचप्रमाणे कायदेशीर व पालन प्रक्रिया सुलभ करणे, कर्मचाऱ्यांचे आरोग्य जपणे आणि छोट्या व्यवसायांना व्यावसायिक प्रशिक्षण देणे यासाठीही कंपनी कार्यरत आहे.
नोव्हेंबर २०२० मध्ये व्यवसाय सुरू केल्यापासून गोदरेज कॅपिटलने गृहक्षेत्र, एसएमई आणि एमएसएमई कर्ज क्षेत्रात ६५०० कोटी रुपयांची बॅलन्सशीट तयार केली आहे.
