पुणे- आपापल्या स्तरावरून आजवर आपण पुण्याच्या विकासासाठी झटलो आता एकत्रित रित्या शहराचा विकास घडवू या असा निश्चय करत पुण्याचे पालकमंत्री चंद्रकांतदादा पाटील आणि उपमुख्यमंत्री अजित पवार यांच्या राष्ट्रवादी काँग्रेसचे पुणे शहर अध्यक्ष दीपक मानकर यांनी ‘हम साथ साथ ‘ ची जणू घोषणा दिली .
मानकर यांनी आज पालकमंत्री चंद्रकांतदादा पाटील यांची कोथरुडमधील निवासस्थानी सदिच्छा भेट घेतली. यावेळी पालकमंत्री पाटील यांनी मानकर यांची शहराध्यक्ष पदी नियुक्ती झाल्याबद्दल विशेष सत्कार करुन शुभेच्छा दिल्या. यावेळी प्रदेश उपाध्यक्ष राजेश पांडे, प्रदेश प्रवक्ते संदीप खर्डेकर हे देखील उपस्थित होते. या सर्वांनी यावेळी पुण्याच्या विकासाच्या योजना , त्यासाठी लागणाऱ्या घटक आणि तांत्रिक बाबी येणाऱ्या अडचणी अशा विविध बाबींवर चर्चा केली .