पुणे-महापालिका बरखास्त कधीच झाली , त्याहून आधी शिक्षण मंडळ देखील बरखास्त झाले .. सारे काही केंद्रित झाले अधिकाऱ्यांच्या मर्जीने सुरु झाले .. लोकांच्या प्रतिनिधीना नाही उरला अधिकार आणि जनतेला , सामन्यांना नाही उरला आधार अशा अवस्थेत एकीकडे हजारो कोटीची नदी सुधार योजना ,G 20 ज्याचा सामन्यांना गंध हि नाही अशा बाबींवर शेकडो कोटी उधळले जात असताना महापालिकेच्या शाळांची मात्र दयनीय अवस्था होते आहे. बाणेर मध्ये एका शाळेत ४ विद्यार्थी आणि ५ शिक्षक अशी अवस्था आहे तर काही शाळेत शेकडो विद्यार्थी आणि २/ ४ शिक्षक अशी अवस्था आहे. पण या अवस्थेतही लढताहेत काही मुले , ज्यांना घ्यावयाचे आहे शिक्षण .. गरिबांची असली म्हणून काय झाले सारीच थोडी बिघडणार … पण त्यांच्या लढाईला सलाम हि करावा तेवढा थोड्काच असे वाटावे अशी स्थिती हि आहे.
आम्ही सिंहगड रस्त्यावरील कल्पना चावला आणि खाशाबा जाधव शाळेला भेट दिली . कल्पना चावला यांच्या नावे असलेली शाळा हि इंग्रजी माध्यमाची शाळा तर खाशाबा जाधव हि शाळा मराठी माध्यमाची शाळा .. कल्पना चावला हे नाव मोठ्या आतुरतेने आणि नवलाईने , हौसेने दिले गेले ..काय आहे तेथील अवस्था … तिथे आम्ही जाताच एक कार्यकर्ते अभिजित बारवकर आणि माजी नगरसेवक शंकर पवार देखील भेटले .काही पालक आणि विद्यार्थी भेटले .. सारेच काही उघड बोलेनात पण निर्भीडपणे उघड बोलले काही … आणि झाला महापालिकेच्या प्रशासकीय कारभाराचा बाजारूपणा उघड .. शिक्षणाच्या माहेरघरात काही अधिकाऱ्यांनी सुरु ठेवलेला थिल्लरपणा, आणि कुचेष्टाच यातून स्पष्ट होते .. तेव्हा जरूर पहा हा एक रिपोर्ट ….
