पुणे शहर पोलिसांच्या गुन्हे शाखेतील युनिट-1 च्या पथकाने मोबाईल जबरदस्तीने चोरून नेणार्या तिघांना अटक केले असून त्यांच्याकडून 8 गुन्हे उघडकीस आणण्यात पोलिसांना यश मिळाले आहे . पोलिसांनी आरोपींकडून 14 मोबाईल आणि गुन्हयात वापरलेले वाहन असा एकुण 1 लाख 91 हजार रूपयाचा ऐवज जप्त केला आहे.
धनराज शिवाजी काळुंके (21, रा. वाडेश्वर नगर, बॉलिवुड थिएटर जवळ, वडगांव शेरी ), विरेंद्रकुमार जगदीशप्रसाद प्रजापती (25, रा. ताडीवाला रोड, मेरू हॉटेल, पुणे) आणि किशोर सुरेश कोल्हे(30, रा. गवळी गल्ली, सारथी शाळेशेजारी, साईनाथनगर, वडगांव शेरी) अशी अटक केलेल्यांची नावे आहेत. याबाबत अधिक माहिती अशी की, पालखी सोहळयाच्या पार्श्वभुमीवर गुन्हे शाखेतील युनिट-1 चे अधिकारी व पोलिस अंमलदार पेट्रोलिंग करून रेकॉर्डवरील गुन्हेगारांबद्दल माहिती घेतले होते. त्यावेळी पोलिस अंमलदार अनिकेत बाबर यांना काहीजण हत्ती गणपती मंदिराच्या समोरील बाळामध्ये सदाशिव पेठेत मोटारसायकलवरून येणार असून ते मोबाईलची विक्री करणार असल्याची माहिती मिळाली. त्यांनी वरिष्ठ पोलिस निरीक्षक शब्बीर सय्यद यांना कळविले. त्यावेळी त्यांनी कायदेशीर कारवाई करण्याच्या सूचना दिल्या होत्या. प्राप्त माहितीची खातरजमा केल्यानंतर पोलिसांनी सापळा रचुन तिघांना ताब्यात घेतले. त्यांच्याकडून 14 मोबाईल आणि दुचाकी असा एकुण 1 लाख 91 हजार रूपयाचा ऐवज जप्त करण्यात आला. आरोपींकडून विश्रामबाग पोलिस स्टेशनमध्ये दाखल असलेले 2, समर्थ पोलिस स्टेशनमधील 3, फरासखाना पोलिस स्टेशन , दत्तवाडी पोलिस स्टेशन आणि बंडगार्डन पोलिस स्टेशनमधील प्रत्येकी एक असे एकुण 8 गुन्हे उघडकीस आणण्यात पोलिसांना यश मिळाले आहे. आरोपी धनराज शिवाजी काळुंके हा पुणे शहर पोलिसांच्या रेकॉर्डवरील गुन्हेगार असून त्याच्याविरूध्द वाहन चोरीचे 6 गुन्हे दाखल आहेत.पोलिस आयुक्त रितेश कुमार, सह पोलिस आयुक्त संदिप कर्णिक ,अप्पर पोलिस आयुक्त रामनाथ पोकळे , पोलिस उपायुक्त अमोल झेंडे,सहाय्यक पोलिस आयुक्त सुनिल पवारयांच्या मार्गदर्शनाखाली वरिष्ठ पोलिस निरीक्षक शब्बीर सय्यद,सहाय्यक पोलिस निरीक्षक आशिष कवठेकर ,
पोलिस उपनिरीक्षक सुनिल कुलकर्णी , पोलिस उपनिरीक्षक रमेश तापकीर,पोलिस उपनिरीक्षक अजय जाधव , पोलिस अंमलदार अनिकेत बाबर,राहुल मखरे, शशिकांत दरेकर, दत्ता सोनावणे, आय्याज दड्डीकर, अभिनव लडकत, इमरान शेख, निलेश साबळे, शुभम देसाई,आण्णा माने, तुषार माळवदकर आणि महेश बामगुडे यांच्या पथकाने ही कारवाई केली आहे.