नवी दिल्ली-दिल्लीतील शाहबाद डेअरी परिसरात एका 16 वर्षीय तरुणीची चाकूने भोसकून हत्या करण्यात आली. रविवारी सायंकाळी घडलेल्या या घटनेचा व्हिडिओ सीसीटीव्हीमध्ये कैद झाला आहे. पोलिसांच्या माहितीनुसार, आरोपी साहिलने साक्षीला वाटेत अडवून चाकूने अनेक वार केले. त्यानंतर तिच्या डोक्यात 6 वेळा दगड घातला.पोलिसांनी आरोपी साहिलच्या बुलंदशहर येथून मुसक्या आवळल्या आहेत.
पोलिसांचे मते, आरोपी व मृत मुलगी रिलेशनशिपमध्ये होते. पण शनिवारी दोघांमध्ये काही कारणावरून वाद झाला. साहिलने साक्षीवर किती वेळा वार केले हे शवविच्छेदनानंतर कळेल.पोलिसांनी सांगितले- एका व्यक्तीने मुलीच्या हत्येची माहिती दिली. पोलिसांच्या पथकाला साक्षीचा मृतदेह रस्त्यात पडलेला आढळला. ती जेजे कॉलनी भागातील रहिवासी होती. रविवारी संध्याकाळी ती बर्थडे पार्टीला जात असताना अचानक साहिलने तिला अडवून तिच्यावर हल्ला केला. चाकूने अनेक वार केले. त्यानंतर तिच्या डोक्यात 6 वेळा दगडही घातला. तो तिला सतत लाथा मारत होता.
हत्येनंतर साहिल फरार झाला. घटनेवेळी काही लोकांनी साहिलला रोखण्याचा प्रयत्न केला. साक्षी आपल्या एका मित्राच्या वाढदिवसाच्या पार्टीला जात असताना ही घटना घडली. पोलिस साहिलचा शोध घेत आहेत.
दिल्लीचे उप पोलिस आयुक्त सुमन नलवा यांच्या माहितीनुसार, मुलीच्या मृतदेहाचे पोस्टमॉर्टम सुरू आहे. तिच्या शरीरावर अनेक जखमा होत्या. आरोपी साहिलच्या शोधासाठी 6 टीम तयार करण्यात आल्या होत्या.
सीएम अरविंद केजरीवाल या प्रकरणी सीसीटीव्ही फुटेज ट्विट करत म्हणाले – दिल्लीत एका अल्पवयीन मुलीची निर्घृण हत्या करण्यात आली. हे अत्यंत खेदजनक व दुर्दैवी आहे. गुन्हेगार निडर झालेत. त्यांना पोलिसांचा धाक उरला नाही. एलजी साहेब, कायदा आणि सुव्यवस्था तुमची जबाबदारी आहे, काहीतरी करा. दिल्लीतील लोकांची सुरक्षितता सर्वात महत्वाची आहे.
