ट्विटरवरून ब्लू टिक काढले:
ट्विटरने ब्लू टिक काढलेल्या यादीत अनेक सेलिब्रिटी, खेळाडू आणि राजकीय नेत्यांचा समावेश आहे. एलन मस्क यांनी ट्विटर अकाउंट विकत घेतल्यानंतर यूजर्सना ब्लू टिकसाठी पैसे मोजावे लागणार असल्याचे सांगितेले होते. त्यानुसार आता यूपीचे मुख्यमंत्री योगी आदित्यनाथ, राहुल गांधी, विराट कोहली, रोहित शर्मा, अमिताभ बच्चन, सलमान खान, शाहरुख खान यांसारख्या अनेक सेलिब्रिटी आणि नेत्यांच्या ट्विटर अकाऊंटवरून ब्लू टिक आता काढण्यात आली आहे. आता ही ब्लू टिक पुन्हा हवी असल्यास ट्विटर ब्लूच सब्सक्रिप्शन घेणे गरजेचे आहे.
यावर आता सेलिब्रिटी व्यक्त होत आहेत. अमिताभ बच्चन यांच्यापासून ते कॉमेडियन वीर दास, नर्गिस फाखरी यांनी यावर आपल्या प्रतिक्रिया दिल्या आहेत. बिग बींनी तर आता पैसे भरले आहेत, ब्लू टिक परत करा, असे म्हटले आहे.
अमिताभ बच्चन म्हणाले- ‘उ नील कमल वापस लगाय दें ट्विटर भैय्या’
अमिताभ बच्चन यांनी मजेशीर अंदाजात ट्विटरकडे ब्लू टिक परत करा असे म्हटले आहे. त्यांनी लिहिले, “T 4623 – ए twitter भइया ! सुन रहे हैं ? अब तो पैसा भी भर दिये हैं हम… तो उ जो नील कमल होत है ना, हमार नाम के आगे, उ तो वापस लगाय दें भैया, ताकि लोग जान जायें की हम ही हैं .. हाथ तो जोड़ लिये रहे हम। अब का, गोड़वा जोड़े पड़ी का ??”
