पुणे-पूना कछि जैन युवा मंडळाच्यावतीने ” सायकल चालवा इंधन वाचवा ” हा सामाजिक संदेश समाजात पोहचविण्यासाठी सायकल रॅलीचे आयोजित करण्यात आली होती . रेसकोर्सजवळील एम्प्रेस गार्डन येथील या सायकल फेरीस नगरसेवक प्रशांत जगताप यांच्याहस्ते ध्वज उंचावून या सायकल रॅलीस सुरुवात करण्यात आली . या सायकल फेरीमध्ये मोठ्या संख्येने श्री पूना कछि जैन युवा मंडळाचे सदस्य सहभागी झाले होते . यावेळी श्री पूना कछि जैन युवा मंडळाचे अध्यक्ष जिग्नेश फुरीया , उपाध्यक्ष सोनल देढिया , सचिव हिरेन गाला , सहसचिव पियुष घंगर , निलेश देढिया , किरण गाला , धीरज गाला , हिरेन गादा , किंजल गाला , पथिक शाह आदी मान्यवर उपस्थित होते .
हि सायकल रॅली एम्प्रेस गार्डन येथून सुरुवात होऊन माणकेशा रोड , कौन्सिल हॉल चौक , पूना क्लब , तारापोर रोड , कोयाजी रोड , बिशप शाळा रोड , पुणे सोलापूर महामार्ग यामार्गे काढून एम्प्रेस गार्डन येथे समाप्त करण्यात आली .
या सायकल रॅलीमध्ये इंधन वाचवा सायकल चालवा या विषयावर समाज जनजागृतीपर घोषवाक्य स्पर्धा घेण्यात आली . यामध्ये सायकल चालवा , पृथ्वी वाचवा , सायकल चालविणे हा उत्तम व्यायाम आहे , प्रदुर्षण थांबवा , सायकल चालवा , कार चालवून लठ्ठ होण्यापेक्षा सायकल चालवून तंदुरुस्त रहा अशा घोषवाक्य स्पर्धाचे फलक सायकलचालकांनी लावले होते . यावेळी उत्कृष्ट घोषवाक्य तयार करणाऱ्यांना बक्षिसांचे वाटप करण्यात आले . सर्वाना अल्पोपहार देण्यात आला .
