पुणे-युग फाऊंडेशनच्यावतीने यंदाच्या गणेश उत्सवामध्ये पर्यावरण जनजागृती , प्लास्टिक बंदी, महिलावरील होणारे अत्याचार या विषयांवर जनजागरुकता अभियानास सुरुवात करण्यात आली . पुण्यातील मानाचा गणपती कसबा गणपतीपासून या अभियानास सुरुवात करण्यात आली . यावेळी युग फाऊंडेशनचे मुख्य समन्वयक कनव चव्हाण , सिहंगड कॉलेज ऑफ इंजिनीरिंगच्या राष्ट्रीय सेवा योजनेच्या विद्यार्थ्यांनी पथनाट्याद्वारे हे जनजागृकता अभियानास प्रबोधन केले . त्यानंतर भाऊसाहेब रंगारी व तांबडी जोगेश्वरी सार्वजनिक गणेशोत्सव मंडळामध्ये पथनाट्य सादर करण्यात आली .
युग फाऊंडेशन, ही नोंदणीकृत एनजीओ आहे . पुण्यामध्ये दरवर्षी गणेशोत्सवाच्या काळात सर्वत्र उत्साह असतो त्यासाठी पर्यावरण जनजागृती , प्लास्टिक बंदी जनजागरुकता अभियान राबविण्यात येणार आहे . महिला सशक्तीकरण , महिलांवरील होणारे अत्याचार , महिलांच्या आरोग्यावरील जागरुकता , गणेशोत्सवामध्ये होणारे जल प्रदुर्षण व त्यावरील उपाय आदीं वर पथनाट्य सादर करून जनजागरुकता अभियान राबविण्यात आले . अशी माहिती युग फाऊंडेशनचे मुख्य समन्वयक कनव चव्हाण यांनी दिली .
यावेळी युग फाऊंडेशन कार्यकर्ते कुणाल जेधे , ऍड. राहुल बालगोहरे , प्रतीक्षा चरण , ऍड. मयूर चव्हाण , विकास कसोटे , आरती पंडकर , गोपी कसोटे , कैज होडीवाला , दुशत चव्हाण आदी मान्यवर उपस्थित होते . सिहंगड कॉलेज ऑफ इंजिनीरिंगच्या राष्ट्रीय सेवा योजनेच्या विद्यार्थी पंकज पाटील , प्रणव म्हस्के , शिवानी नवले व मनिषा आवटी या विद्यार्थ्यांनी पथनाट्याचे संचलन केले .
