रिटेल ऑफ द फ्युचर (आरओटीएफ) मॉडेलसोबत लागू करण्यात आलेले महत्त्वाचे बदल:
मर्सिडीझ-बेंझ गाड्या थेट ग्राहकांना विकेल
मर्सिडीझ-बेंझ इंडिया आता राष्ट्रीय पातळीवर निश्चित करणार ‘सर्वोत्तम किंमत‘
अधिक जास्त स्टॉक पाहता येऊ शकतो आणि केंद्रीकृत राष्ट्रीय स्टॉकमुले ग्राहकांच्या निवडीला मिळणार अमर्याद वाव
मर्सिडीझ-बेंझ इंडियाकडून केले जाणार ऑर्डर्सचे केंद्रीय व्यवस्थापन (सेंट्रल ऑर्डर मॅनेजमेंट)
खरेदी प्रक्रियेत संपूर्ण पारदर्शकता
फ्रँचायझी पार्टनर्सकडे काहीही स्टॉक नसणार आणि त्यामुळे त्यांच्यावर कोणतेही दायित्व उरणार नाही.
या उद्योगक्षेत्रात पहिल्यांदाच सुरु करण्यात आलेले प्रमुख ग्राहककेंद्री उपक्रम:
· उत्पादन प्रक्रियेअंतर्गत असलेल्या उत्पादनांसह देशभरातील साठा किती आहे हे दाखवणारी पहिली उत्पादक कंपनी
· भारतीय ऑटोमोबाईल उद्योगक्षेत्रात पहिल्यांदा: ग्राहकांवर कोणतेही आनुषंगिक शुल्क आकारले जाणार नाही.
· भारतात पहिल्यांदाच ऑर्डर बुकिंगमध्ये व्हीआयएन क्रमांकाची पुष्टी केली जाणार.
· ऑर्डरची पुष्टी करण्यासाठी १४ दिवस देणारी पहिली उत्पादक कंपनी.
पुणे: मर्सिडीझ-बेंझ या देशातील सर्वात मोठ्या लक्झरी कार उत्पादक कंपनीने ‘रिटेल ऑफ द फ्युचर‘ (आरओटीएफ) हे भविष्यागामी व मोठ्या प्रमाणावर ग्राहककेंद्री बिझनेस मॉडेल आज लागू केले आणि अशाप्रकारे ही कंपनी भारतात लक्झरी रिटेल क्षेत्रात एक मूलभूत परिवर्तनाचा शुभारंभ करत आहे. ‘डायरेक्ट टू कन्ज्युमर‘ अर्थात ‘थेट ग्राहकाला विक्री‘ मॉडेलची पहिली घोषणा जून २०२१ मध्ये करण्यात आली होती आणि विकास टप्प्यातील चाचण्या यशस्वीपणे पार पडल्यानंतर मर्सिडीझ-बेंझ इंडियाचे व्यवस्थापकीय संचालक व सीईओ श्री. मार्टिन श्वेन्क आणि सेल्स व मार्केटिंगचे उपाध्यक्ष श्री. संतोष अय्यर यांच्या हस्ते दक्षिण मुंबईतील कंपनीच्या मेट्रो ऑटो हँगर डीलरशिपमधून या बिझनेस मॉडेलचे उद्घाटन करण्यात आले.
‘रिटेल ऑफ द फ्युचर‘ लागू करण्यात आल्यानुसार गाड्यांच्या संपूर्ण साठ्याची मालकी मर्सिडीझ-बेंझ इंडियाकडे राहील आणि आपल्या नेमणूक करण्यात आलेल्या फ्रँचायझी पार्टनर्समार्फत कंपनी गाड्यांची रिटेल विक्री करेल, गाडीचे इन्व्हॉइसिंग कंपनीकडून थेट ग्राहकांना केले जाईल. ग्राहकांच्या ऑर्डर्सवरील कार्यवाही आणि त्या पूर्ण करण्याची जबाबदारी देखील मर्सिडीझ-बेंझची राहील. आरओटीएफमध्ये कंपनी आपल्या प्रत्येक गाडीची, संपूर्ण देशभरासाठी एक किंमत निश्चित करेल, ही किंमत संपूर्ण देशात एकसमान असेल.
उद्योगक्षेत्रात प्रथमच सादर केल्या जात असलेल्या पद्धती:
ग्राहकांची सुविधा या एकाच घटकावर संपूर्ण भर देणारे आरओटीएफ बिझनेस मॉडेल भारतीय ग्राहकांसाठी प्रस्तुत करत आहे अनेक अशा पद्धती आणि प्रथा ज्या ऑटोमोबाईल उद्योगक्षेत्रात प्रथमच आणल्या जात आहेत, आणि त्यामार्फत ही कंपनी पारदर्शकता व ग्राहकांना प्रदान केल्या जात असलेल्या सुविधा यामध्ये एक नवा मापदंड निर्माण करत आहे, ज्याचा एकमेव उद्देश ग्राहकांना सर्वोत्तम अनुभव मिळवून देणे हा आहे. आरओटीएफमुळे ग्राहकांना त्यांच्या खरेदीवर यापुढे कोणतेही आनुषंगिक शुल्क भरावे लागणार नाही. इतकेच नव्हे तर, ग्राहकांना संपूर्ण देशभरात गाड्यांचा किती साठा उपलब्ध आहे हे थेट पाहता येईल आणि त्यामुळे त्यांना हवी असलेली गाडी निवडणे अधिक जास्त सोपे जाईल. पहिल्यांदाच दिली जात असलेली आणखी एक सुविधा म्हणजे मर्सिडीझ-बेंझ आपल्या ग्राहकांना ऑर्डर बुकिंग करतानाच व्हीआयएन क्रमांक देणार आहे.
भारत रिटेल ऑफ द फ्युचर लागू केले जात असल्याची घोषणा करताना मर्सिडीझ-बेंझ इंडियाचे व्यवस्थापकीय संचालक व सीईओ श्री. मार्टिन श्वेन्क यांनी सांगितले, “जून २०२१ मध्ये आम्ही एका क्रांतिकारी रिटेल बिझनेस मॉडेलची घोषणा केली होती जे मोठ्या प्रमाणावर ग्राहककेंद्री आहे आणि त्याद्वारे आम्ही आमच्या ग्राहकांना अखंड, विविध चॅनेल्समधून प्राप्त करून घेता येईल असा पारदर्शक अनुभव देण्याचे वचन दिले होते. आज आम्ही भारतात ‘रिटेल ऑफ द फ्युचर‘ ची यशस्वीपणे अंमलबजावणी करत आहोत, हे बिझनेस मॉडेल एका प्रचंड मोठ्या व भक्कम डिजिटल प्रणालीवर उभारण्यात आले आहे, आमच्या रिटेल व्यवसायात हे लक्षणीय परिवर्तन घडवून आणण्यात त्याची खूप मोलाची साथ मिळणार आहे. आरओटीएफ हे एक अनोखे ग्राहककेंद्री बिझनेस मॉडेल आहे जे आमच्या ग्राहकांमधील नव्या ट्रेंड्सची पूर्तता करते, त्याचवेळी आमच्या फ्रँचायझी पार्टनर्सची बाजारपेठेतील आर्थिक व संचालनात्मक जोखीम लक्षणीय प्रमाणात कमी करून त्यांना सक्षम बनवते. ग्राहकांना सर्वोत्तम सेवा प्रदान करण्याच्या आमच्या निरंतर प्रयत्नांना आरओटीएफ अधिक जास्त साथ देईल कारण आता फ्रँचायझी पार्टनर्सदरम्यानची स्पर्धा ही फक्त ग्राहकांना जास्तीत जास्त चांगला अनुभव मिळवून देण्यासाठीच असेल.”
श्री. श्वेन्क पुढे म्हणाले, “आरओटीएफ लागू करून आम्ही ग्राहकांसाठी एक संपूर्णतः एकीकृत वाटचालीचा अनुभव निर्माण करत आहोत, यामध्ये अशा अनेक सेवासुविधांचा, उपक्रमांचा समावेश आहे जे या उद्योगक्षेत्रात पहिल्यांदाच सादर केले जात आहेत. भारतात पहिल्यांदाच, ग्राहकांना कोणतेही आनुषंगिक किंवा अतिरिक्त शुल्क भरावे लागणार नाही. आता ग्राहकांना मर्सिडीझ-बेंझ इंडियाच्या संपूर्ण भारतभरात किती गाड्या उपलब्ध आहेत ते थेट पाहता येईल आणि निवडीला खूप जास्त वाव मिळेल. ग्राहकांसोबतचे आमचे जिव्हाळ्याचे, विश्वासाचे संबंध अधिक जास्त दृढ करण्याच्या दिशेने आम्ही उचलेले पाऊल आहे आरओटीएफ, त्यांच्या इच्छा आणि नव्याने निर्माण होत असलेल्या गरजा समजून घेऊन, त्या पूर्ण करण्यासाठी आम्ही हा निर्णय घेतला आहे. देशातील सर्वाधिक विश्वसनीय लक्झरी ब्रँड म्हणून आम्ही ग्राहककेंद्री धोरणांमध्ये एक नवे मानक निर्माण केले आहे, फ्रँचायझी पार्टनर्सच्या लाभदायिकतेमध्ये एक नवा मापदंड रचला आहे आणि फक्त सर्वोत्तम ग्राहकसेवा प्रदान करण्यासाठी स्पर्धा करण्याच्या नव्या संस्कृतीचा आरंभ केला आहे.”
आरओटीएफसह ऑफलाईन विक्री व्यवहार प्रणाली (सेल्स ट्रान्जॅक्शन सिस्टम – एसटीएस) व ऑनलाईन डिजिटल कॉमर्स प्लॅटफॉर्मसोबत अखंडित ऑफलाईन व ऑनलाईन वाटचालीसाठी अनोखे प्लॅटफॉर्म्स:
ऑफलाईन विक्री व्यवहार प्रणालीतील पाच पायऱ्या:
· कोटेशन: देशभरात किती साठा उपलब्ध आहे ते माहिती करून घेण्याच्या सुविधेचा लाभ घेऊन ग्राहक मर्सिडीझ-बेंझ कार खरेदी करण्यासाठी त्यांना हवा तो फ्रँचायझी पार्टनर निवडून त्यांच्यासोबत अगदी सहजपणे संपर्क साधू शकतात.
· ऑर्डर बुकिंग: फक्त ५०,००० रुपये भरून ग्राहक आपल्याला हवी ती कार बुक करू शकतात आणि पुढील १४ दिवसांत ऑर्डर पूर्ण करता येते. भारतात पहिल्यांदाच ऑर्डर बुकिंगसोबतच व्हीआयएन क्रमांकाची पुष्टी केली जाते, अशाप्रकारे ग्राहकांना संपूर्ण पारदर्शकता अनुभवता येते.
· ऑर्डर पूर्ण करणे: कागदपत्रांची पडताळणी यशस्वीपणे पूर्ण झाल्यावर आणि मर्सिडीझ-बेंझने त्याची पुष्टी केल्यावर कार फ्रँचायझी पार्टनरकडे पाठवली जाते आणि त्यासंदर्भात एक ईमेल तात्काळ पाठवला जातो. या संपूर्ण प्रक्रियेमध्ये पहिल्यापासून शेवटपर्यंत माहिती सुरक्षित राखली जाते.
· इन्व्हॉइसिंग: ग्राहकांसाठी पेमेंट करण्याचे विविध पर्याय उपलब्ध करवून देण्यात आले आहेत, ज्यांचा वापर अगदी सहज आणि संपूर्णपणे सुरक्षित पद्धतीने करता येतो. ग्राहकाने अदा केलेली रक्कम कंपनीला मिळाल्यावर सात दिवसांच्या आत मर्सिडीझ-बेंझकडून अंतिम इन्व्हॉईस ग्राहकाला मिळते.
· गाडी सुपूर्द केली जाणे: फ्रँचायझी पार्टनर ग्राहकाच्या घरी गाडी पोचवतील किंवा शोरूममधून देखील डिलिव्हरी घेता येते.
मर्सिडीझ-बेंझ इंडिया सादर करत आहे ऑनलाईन डिजिटल कमर्शियल प्लॅटफॉर्म (डीसीपी):
डिजिटल कॉमर्स प्लॅटफॉर्म सर्वोत्तम पारदर्शकता मिळवून देतो:
· कंपनीने एक खास डिजिटल कॉमर्स प्लॅटफॉर्म किंवा डीसीपी सुरु केला आहे. हे एक ऑनलाईन स्टोर आहे. डीसीपीमध्ये ग्राहकांना अखंडित ऑनलाईन सुविधांचा लाभ घेता येतो, ज्यामुळे ते स्वतःची मर्सिडीझ-बेंझ कार स्वतःच बुक करू शकतात.
डीसीपीचे अनोखे लाभ:
· उत्पादनाच्या तपशिलासह आणि तपशीलवार, पारदर्शक किमतीसह उपलब्ध साठ्यामधून शोध घेता येईल.
· अर्थसहाय्याचे पर्याय थेट ग्राहकांना सादर केले जाणार.
· बुकिंगची काटेकोर प्रक्रिया
आरओटीएफ हे फक्त नवीन गाड्यांच्या विक्रीसाठी लागू करण्यात आले आहे:
आरओटीएफ हे फक्त नवीन गाड्यांच्या विक्रीसाठी लागू आहे आणि यामुळे ग्राहकसेवा, प्री-ओन्ड कार व पूरक व्यवसायांसहित स्वतंत्र व्यवसाय विभागांच्या कामकाजात बदल होणार नाही. मर्सिडीझ-बेंझ इंडियाच्या सर्व फ्रँचायझी पार्टनर्सनी भारतात आरओटीएफच्या अंमलबजावणीसाठी तसेच कंपनीच्या ग्राहककेंद्री दृष्टिकोनात आणि सर्वांनी एकत्र येऊन समन्वयपूर्वक भविष्यासाठी सज्ज बिझनेस मॉडेलची निर्मिती करण्यासाठी कंपनीला सहयोग प्रदान केला आहे.
आरओटीएफ सर्व हितधारकांसाठी लाभकारी आहे:
ग्राहक:
· सर्वोत्तम किमतीची हमी मिळते.
· विविध चॅनेल्समार्फत करता येईल अशा अखंडित खरेदी प्रक्रियेचा अनुभव मिळतो.
· संपूर्ण पारदर्शकता आणि उत्पादनांच्या उपलब्धतेविषयी अधिक सुधारित माहिती मिळते.
· फ्रँचायझी पार्टनर्सकडून सर्वोत्तम ग्राहकसेवांचा लाभ मिळतो.
मर्सिडीझ-बेंझ फ्रँचायझी पार्टनर्स:
· आर्थिक स्थिती अधिक उत्तम होईल.
· मालाचा साठा शून्य
· बाजारपेठेतील उतारचढावांना तोंड द्यावे लागण्याची जोखीम सहन करावी लागणार नाही
· ग्राहकांना सर्वोत्तम अनुभव प्रदान करण्यासाठी स्पर्धा करतील, किमतीसाठी नाही.
मर्सिडीझ-बेंझ इंडिया:
· ग्राहकांना गाड्या विकण्याची जबाबदारी
· सर्व नव्या गाड्यांच्या विक्री किमतीचे केंद्रीय व्यवस्थापन करण्याची जबाबदारी
· नव्या गाड्यांच्या संपूर्ण साठ्याच्या मालकीची आणि व्यवस्थापनाची जबाबदारी
· ऑर्डरवरील कार्यवाही आणि त्या पूर्ण करण्याची जबाबदारी
आरओटीएफमधील पेमेंटसाठीचे पर्याय:
या पद्धतींनी पेमेंट करता येईल | बुकिंग५०,००० रुपये | डाऊन पेमेंट | संपूर्ण पेमेंट/फायनान्सरकडून डिलिव्हरी ऑर्डर/फायनान्सरकडून फंड्स | उरलेले पेमेंट | |
ऑनलाईन | क्रेडिट कार्ड्स | ✔ | ✔ | ✔ | ✔ |
डेबिट कार्ड्स (रूपे सह) | ✔ | ✔ | ✔ | ✔ | |
एनईएफटी/आरटीजीएस/आयएमपीएस | ✔ | ✔ | ✔ | ✔ | |
युपीआय (क्यूआर सह) | ✔ | ✔ | ✔ | ✔ | |
अमेक्स | ✔ | ✔ | ✔ | ✔ | |
डायनर | ✔ | ✔ | ✔ | ||
वॉलेट्स | ✔ | ✔ | ✔ | ||
ऑफलाईन | पीओएस | ✔ | ✔ | ✔ | |
चेक | ✔ | ✔ | ✔ | ✔ |
आरओटीएफ हा मर्सिडीझ-बेंझ इंडियाचा सर्वाधिक सर्वसमावेशक, विविध विभागांना सामावून घेणारा (क्रॉस-फंक्शनल) प्रकल्प आहे:
· कामाचे एकूण तास: ९९२१० तास
· प्रकल्पात सहभागी असलेल्या व्यक्तींची एकूण संख्या: भारत, सिंगापूर आणि जर्मनीमध्ये मिळून २०० पेक्षा जास्त
· अंमलबजावणी करेपर्यंत लागलेला एकूण वेळ: २४ महिने
· आरओटीएफसाठी एकूण गुंतवणूक: ६००+ मिलियन रुपये
आरओटीएफमुळे काय बदलणार नाही?
· कार फक्त फ्रँचायझी पार्टनर्समार्फत डिलीव्हर केल्या जातील.
· फ्रँचायझी पार्टनर्स हे बाजारपेठेमध्ये ब्रँडचे प्रतिनिधी म्हणून कार्यरत राहतील.
· ग्राहकांसोबत संबंध विकसित करण्याची जबाबदारी फ्रँचायझी पार्टनर्सची राहील.
· ग्राहकांसोबत संवादांची देवाणघेवाण हाताळणे, त्याचे संचालन व्यवस्थापन फ्रँचायझी पार्टनर्स करतील.
· स्थानिक बाजारपेठेत आवश्यकतांचा विकास करण्याची जबाबदारी फ्रँचायझी पार्टनर्सची असेल.
· सध्याच्या शोरूम पायाभूत सोयीसुविधा तशाच राहतील.