मेघ चक्र’ अभियानांतर्गत सीबीआय अर्थात केंद्रीय अन्वेषण विभागाने, बाल लैंगिक शोषण सामग्रीच्या डाउनलोड/ सर्क्युलेशनशी संबंधित दोन प्रकरणी देशभरातील 21 राज्ये/केंद्रशासित प्रदेशातील 59 ठिकाणी छापे टाकले. यात फतेहाबाद (हरियाणा), डेहराडून (उत्तराखंड); कच्छ (गुजरात); गाझियाबाद (उत्तर प्रदेश); मुर्शिदाबाद (पश्चिम बंगाल); मुंबई, पुणे, नाशिक, ठाणे, नांदेड, सोलापूर, कोल्हापूर आणि नागपूर (महाराष्ट्र); रांची (झारखंड); चित्तूर (आंध्र प्रदेश); कृष्णा (आंध्र प्रदेश); राम नगर (कर्नाटक); कोलार (कर्नाटक); फरीदाबाद (हरियाणा); हाथरस (उत्तर प्रदेश);बेंगळूरू ; कोडागू; रायपूर (छत्तीसगड); नवी दिल्ली; चेलाक्करा (केरळ); दिंडीगुल (मदुराई); गुरुदासपूर आणि होशियारपूर (पंजाब); चेन्नई; धनबाद; राजकोट; गोवा; हैदराबाद; अजमेर; जयपूर; कुड्डालोर (तामिळनाडू); मल्लपुरम (केरळ); लुनावडा (गुजरात); गोध्रा (गुजरात); गुवाहाटी; धिमाजी (आसाम); इटानगर (अरुणाचल प्रदेश); बर्धमान (पश्चिम बंगाल); महाराजगन (उत्तर प्रदेश); अरण (बिहार); भागलपूर (बिहार); आगरतळा (त्रिपुरा); मंडी (हिमाचल प्रदेश) यांचा समावेश आहे.
बालकांविरोधातील गुन्ह्यासंदर्भात इंटरपोल सिंगापूरच्या विभागाने दिलेल्या माहितीच्या आधारे सीबीआयने माहिती तंत्रज्ञान कायद्याच्या संबंधित तरतुदी अंतर्गत दोन गुन्हे दाखल केले आहेत न्यूझीलंड पोलिसांनी सिंगापूरच्या इंटरपोलला संबंधित देशाला सामायिक करण्यासाठी ही माहिती दिली होती. क्लाउड-आधारित स्टोरेज वापरून बाल लैंगिक शोषण सामग्रीच्या संचलन/डाउनलोडिंग/ट्रान्समिशनमध्ये अनेक भारतीय नागरिकांचा सहभाग असल्याचा आरोप करण्यात आला आहे. न्यूझीलंडच्या कायदा अंमलबजावणी करणार्या अधिकार्यांकडून इंटरपोलला मिळालेल्या माहितीचे सीबीआयकडून विश्लेषण करण्यात आले आणि या सामग्रीचे आणखी वितरण करणाऱ्या संशयित व्यक्तींची ओळख पटवली गेली आणि या साहित्याचे पुढील वितरण रोखता आले.
आजची कारवाई हा सीबीआयने गेल्या वर्षी ऑनलाइन बाल लैंगिक शोषण सामग्रीविरुद्ध हाती घेतलेल्या मोठ्या मोहिमेचा (ऑपरेशन कार्बन) पाठपुरावा होता.
छाप्यांदरम्यान 50 हून अधिक संशयितांचे मोबाईल, लॅपटॉप यासह इलेक्ट्रॉनिक उपकरणे जप्त करण्यात आली आहेत. सायबर फॉरेन्सिक साधनांचा वापर करून या इलेक्ट्रॉनिक उपकरणांच्या प्राथमिक तपासणीत उघड झाले आहे की अनेक इलेक्ट्रॉनिक उपकरणांमध्ये मोठ्या प्रमाणात बाल लैंगिक अत्याचार सामग्री आहे. इलेक्ट्रॉनिक उपकरणांमध्ये सापडलेल्या बाल लैंगिक अत्याचार सामग्री संदर्भात संशयितांची चौकशी केली जात आहे , जेणेकरून पीडित मुले आणि अत्याचार करणार्यांची ओळख पटवता येईल.
आंतरराष्ट्रीय संबंधा असलेल्या ऑनलाइन बाल लैंगिक शोषण प्रकरणांना जलद प्रतिसाद देण्यासाठी सीबीआय राबवत असलेल्या जागतिक अभियानांपैकी ऑपरेशन चक्र हे अलिकडच्या काळातले एक अभियान असून पीडित, आरोपी, संशयित, यासह आंतरराष्ट्रीय अधिकारक्षेत्रातल्या कटकारस्थाने करणाऱ्याना शिक्षा देण्यासाठी जागतिक स्तरावर समन्वित कायदा आवश्यक आहे.
ऑपरेशन चक्र भारतातील विविध कायद्याची अंमलबजावणी करणार्या संस्थांकडून माहिती एकत्रित करते, जागतिक स्तरावर संबंधित कायद्याची अंमलबजावणी करणार्या संस्थांशी संवाद साधते , आणि ऑनलाइन बाल लैंगिक शोषण आणि अशा संघटित सायबर गुन्ह्यांचा सामना करण्यासाठी इंटरपोल द्वारे समन्वय साधण्याचा प्रयत्न करते. अशा सायबर गुन्ह्यांचे जाळे नष्ट करण्यासाठी महत्त्वपूर्ण माहितीची देवाणघेवाण करण्यासाठी इंटरपोल आणि परदेशी कायद्याची अंमलबजावणी करणार्या एजन्सींसोबत समन्वय बैठकांचे आयोजन करण्यात आले होते.
या प्रकरणी अधिक तपास सुरू आहे.