मुंबई, दि.२५ सप्टेंबर – कोरोना महामारीचा काळाकुट्ट काळ आता मागे सरला आहे आणि हिंदू सणांचा सुवर्णकाळ सुरु झाला आहे. जोशात आणि उत्साहात गणेशोत्सव निर्विघ्नपणे पार पडल्यावर आता नवरात्रीचे वेध लागले आहेत. दोन वर्षांच्या प्रतीक्षेनंतर डोंबिवलीत या वर्षी नमो रमो नवरात्रीचा आवाज पुन्हा घुमणार आहे. नमो रमो नवरात्रीचे हे चवथे वर्ष. यंदाचा गरबा महाराष्ट्रातील सर्वात मोठा असा ठरणार आहे कारण या वर्षी ८०,००० चौरस फुटाचा महाकाय आधुनिक मंडप उभारण्यात आला असून त्यातील प्रत्यक्ष दांडिया नृत्य खेळण्यासाठी ५०,०००० चौरस फूट क्षेत्रफळ दांडिया प्रेमींना उपलब्ध आहे. बॉलिवूडमधील आघाडीचे कला दिग्दर्शक संजय धबडे यांची हिंदू मंदिराच्या भव्य प्रतिकृतीच्या सजावटीने व्यासपीठ व मंडप आणखीनच खुलून दिसणार आहे.
नमो रमो नवरात्रीचे मुख्य आकर्षण म्हणजे गुजराती पारंपरिक गरबा व लोकगीते यांच्यासोबत आधुनिक साऊंड ट्रॅकवर बसवलेले दांडिया नृत्य. निलेश गढवी
तृप्ती गढवी नैतिक नागदा, कोशा पंड्या, अंबर देसाई, दिव्या जोशी असे सुपरहिट कलाकार हे नमो रमो नवरात्रीचे यंदाचे आकर्षण ठरणार आहे. त्याच बरोबर दररोज मराठी हिंदी व गुजराती सिने कलाकारांची उपस्थिती ही नमो रमो नवरात्रीचे मुख्य आकर्षण असते ते या वर्षीही असणार आहे. महाराष्ट्रात जशी कोजागिरी साजरी केली जाते त्याच पौर्णिमेला गुजरातमध्ये रमजट असते. रमजट यंदाचे अनोखे आकर्षण ठरणार आहे. त्यामुळे या वर्षी नमो रमो नवरात्री आगळी वेगळी ठरणार आहे.
महाराष्ट्राचे सार्वजनिक बांधकाम मंत्री व डोंबिवलीचे आमदार रविंद्र चव्हाण यांच्या संकल्पनेतून आणि त्यांच्या मार्गदर्शनात नमो रमो नवरात्रीचा उत्सव आयोजित करण्यात येतो. नमो रमो नवरात्री रमजट सोहळा भाविकांना पूर्णपणे मोफत प्रवेश असून नमो http://Namoramo-ramjat.in या संकेतस्थळावर जाऊन मोफत प्रवेशिका डाउनलोड करता येतील.