पुणे-पर्यटन, पर्यावरण, पत्रकार, प्रशासन, पोलीस, आरोग्य, कृषी, उद्योजक, सांस्कृतिक, सामाजिक आणि राजकिय क्षेत्रात उल्ललेखनीय कार्य करणाऱ्या व्यक्ती आणि संस्था यांना सामाजिक कार्यात आणि क.षी पर्यटन क्षेत्रात मोलाचे काम करणाऱ्या परभन्ना फाऊडेशन कडून दरवर्षी सेवाकार्य कृतज्ञता परस्काराने गौरविण्यात येते. यावर्षी विविध क्षेत्रात अल्लेखनीय कार्य केलेल्या व्यक्तींना ही पत्रकार भवनामध्ये झालेल्या कार्यक्रमात गौरविण्यात आले. पर्यटन क्षेत्रात उल्लेखनीय कार्य करताना पर्यटन क्षेत्रास कोरोनाच्या कालावधीनंतर उर्जा आणि चालना देण्याचे काम महाराष्ट् पर्यटन विकास महामंडळाचे प्रादेशिक व्यवस्थापक श्री. दिपक हरणे यांनी केले आहे.
महाराष्ट् पर्यटन विकास महामंडळामध्ये अभियंता म्हणुन कार्यरत झाल्यानंतर श्री. दिपक हरणे यांनी विविध प्रकल्पांवर उत्कृष्ट काम केले. मग ते मांढरदेव ता. वाई येथील प्रकल्प असो किंवा सोलापुर येथील विविध प्रकल्प असोत, त्यांनी आपल्या उत्कृष्ट कामाची छाप पाडली आहे.
बहुप्रतिक्षेत असलेलं सोलापूर येथील IHM कॉलेज ची इमारत इमारत पुर्ण करुन सदरच्या ठिकाणी IHM चे कोर्सेस सुरु केल्याने सोलापूर आणि जवळच्या खेडयातील तरुणांना हॉटेल मॅनेजमेंट मध्ये करीयर करण्याची संधी श्री. दिपक हरणे यांच्याच पुढाकाराने मिळाली.
महामंडळाच्या पर्यटक निवासांचे अत्यंत सुंदरपणे आधुनिकिकरण करण्याची सुरवात श्री.दिपक हरणे यांच्या कालावधीत झाली. 2014 साली अत्यंत प्रतिकुल परिस्थितीत असलेल्या पर्यटक निवास महाबळेश्वरचे नुतनीकरण केले. ज्यामुळे महामंडळामध्ये पर्यटक निवासांच्या आधुनिकिकरणाचे वारे वाहु लागले. पाठोपाठ माथेरान, पानशेत या पर्यटक निवासांचेही श्री.दिपक हरणे यांच्या मार्गदर्शनाखाली नुतनीकरण झाले. या आधुनिकिकरणामुळे महामंडळाची प्रतिमा उंचावण्यास मदत मिळाली असुन त्यामुळे पर्यटन वाढीस हातभार लागला आहे.
पर्यटक निवास भिमाशंकरचे रखडलेले काम पुर्ण करुन भाविक आणि पर्यटकांसाठी सोय करण्यात आली. भाडेपटटयावर देण्यात आलेले पर्यटक निवास कोयनानगर ताब्यात घेवुन 1 महीना इतक्या अल्प कालावधीत यशस्वीपणे सुरु केले. सध्या ही दोन्ही पर्यटक निवासे पर्यटक आणि भक्तांसाठी मोलाची सेवा बजावत आहेत. पर्यटक निवास कार्ला येथील उपहारगृह, पर्यटक निवास माळशेज घाट येथील उपहारगृह भाडेपटटाधारकाकडुन ताब्यात घेवुन महामंडळामार्फत सुरू केली, ज्यामुळे महामंडळाच्या उत्पन्नात मोलाची भर पडली आहे. सदर कामांमुळे आणि महामंडळामार्फत पर्यटन क्षेत्रात मोलाचे कार्य केल्यामुळे महामंडळाने श्री. दिपक हरणे यांना यापुर्वीही “उत्कृष्ठ अभियंता” पुरस्काराने सन्मानित केले होते.
दरम्यान, कोरोना कालावधीमध्ये पर्यटक निवासांचे निर्जंतुकिकरण, कोरोना प्रतिबंधक उपाययोजना, कर्मचाऱ्यांचे लसीकरण हया बाबी अग्रक्रमाने केल्यामुळे पर्यटक निवासांचे उत्पन्नामध्ये मोठया प्रमाणावर वाढ झाली आहे.
कोरोना कालावधीनंतर “वर्क फ्रॉम होम” च्या धर्तीवर पर्यटक निवासांमध्ये “वर्क विथ नेचर” आणि “वर्क फ्रॉम नेचर” ही अभिनव संकल्पना राबवुन महामंडळासाठी आणि पर्यटन क्षेत्राला नव्याने चालना दिली. आधुनिक सुविधा निर्माण करण्याबरोबरच नवनवीन प्रॉपर्टी सुरु करुन महामंडळाच्या उत्पन्नात भर घातली आहे.
कोरोना कालावधीत विविध सोशल मिडीयामधुन जसे प्रिंट मिडीया, युटयुब, फेसबुक, व्हॉटसअप या माध्यमातुन सकारात्मक प्रसिध्दी केल्याने पर्यटन क्षेत्रास नवीन उर्जा प्राप्त झाली आहे. महामंडळाच्या इतिहासात “न भुतो” अशी प्रसिध्दी श्री. दिपक हरणे यांनी केली आहे.
शासकिय योजना सर्वसामान्यांपर्यंत पोहोचविण्यासाठी मोठया प्रमाणावर प्रयत्न केले. त्यासाठी विविध संस्था जसे सिधुदुर्ग पर्यटन समिती, पर्यटन विकास मंच,ग्वालियर, ॲग्रो टुरीझम विश्व, डॉ. डी.वाय.पाटील आणि विविध IHM कॉलेज, शिवाजी विद्यापीठ अशा नामवंत संस्थांमध्ये चर्चासत्रांद्वारे पर्यटन वाढीसाठी आणि पर्यटनामध्ये करीयर करणाऱ्यांसाठी मार्गदर्शन केले आहे. सोलापुर जिल्हयाच्या फेसबुक पेजवरही महामंडळाच्या योजनांबाबत मार्गदर्शन केले आहे. सामान्य शेतकऱ्यांसाठी पर्यटन विभागाच्या कृषी पर्यटन धोरणाबाबत मार्गदर्शन करुन कृषी पर्यटनाचे महत्त्व पटवुन दिल्याने पुर्ण विभागामध्ये मोठया प्रमाणावर ॲग्रो टुरीझम केंद्रे तयार झाली आहेत. सिधुदुर्ग पर्यटन समिती यांच्यामार्फत आयोजित कार्यक्रमातही पर्यटन आणि शासकिय योजना याबाबत मार्गदर्शन केले आहे. व्यवस्थापक बांधकाम आणि प्रादेशिक व्यवस्थापक अशा दुहेरी जबाबदाऱ्या सांभाळताना पर्यटन विश्वात श्री. दिपक हरणे यांनी नवी चेतना निर्माण केली आहे.
महामंडळामध्येही नवनवीन योजना राबविताना नवीन रिझॉर्ट सुरु करणे, नवीन संकल्पना राबविणे श्री.दिपक हरणे यांच्यासारख्या उत्साही अधिकाऱ्यामुळे सहजसाध्य झाले आहे. त्यांच्या या कार्याची दखल घेवुन परभन्ना फाऊडेशन यांचेकडून अखिल भारतीय साहीत्य संमेलनाचे माजी अध्यक्ष मा.डॉ. श्रीपाल सबनीस यांचे हस्ते “सेवाकार्य कृतज्ञता पुरस्कार 2021” देवुन गौरविण्यात आले आहे. या प्रसंगी पत्रकारितेमध्ये उत्कृष्ट काम केल्याबंद्दल मा. अश्विनी सातव-डोके, पर्यावरण क्षेत्रातील कार्यासाठी मा. डॉ. सचिन पुणेकर, प्रशासन मध्ये उत्कृष्ट कार्यासाठी डॉ. बबन जागदंड, पोलीस क्षेत्रासाठी मा. देवीदास घेवारे, आरोग्य क्षेत्रासाठी डॉ. सुदर्शन घेरडे, सांस्कृतिक क्षेत्रातील योगदानासाठी मा. अक्षय इंगळीकर, कृषी क्षेत्रासाठी डॉ. रितेश पोपळघट, सामाजिक कार्यासाठी ॲड. मोनिका गावडे-खलाने, आणि राजकिय क्षेत्रातील योगदानासाठी मा. किरण साठी यांना मान्यवरांच्या हस्ते गौरविण्यात आले. कार्यक्रमाचे आयोजन आणि संकल्पना परभन्ना फाऊडेशनचे अध्यक्ष श्री. गणेश चप्पलवार यांची होती. सामाजिक आणि कृषी पर्यअन क्षेत्रात मोलाचे काम करणाऱ्या श्री. गणेश चप्पलवार यांना मान्यवरांनी त्यांच्या उत्कृष्ठ कार्याबद्दल सन्मानित केले. “श्री. गणेश चप्पलवार यांच्यासारख्या तरुणांची समाजाला गरज असुन आधुनिकतेबरोबरच सुसंस्कारित समाज ही काळाची गरज आहे.” असे यावेळी बोलताना मा.डॉ. श्रीपाल सबनीस म्हणाले.
एम्. टी. डी. सी. चे प्रादेशिक व्यवस्थापक दिपक हरणे यांचा “सेवाकार्य कृतज्ञता पुरस्कार 2021” ने सन्मान
Date:
More like thisRelated
घोष पथकाच्या वादनातून झाशीच्या राणी लक्ष्मीबाई यांना मानवंदना
पुणे, दि. 18 जून : स्वातंत्र्यलढ्यातील अद्वितीय शौर्य आणि...
पाणी साठवा, पण झाकून ठेवा; डेंग्यू-मलेरिया रोखण्यासाठी महापालिकेचे आवाहन
पुणे, दि. १८ : उन्हाळ्यात आणि ‘एक दिवसाआड पाणीपुरवठा’...
जगभरातील सैन्य दलांसाठी वैशिष्ट्यपूर्ण माउंटेड आर्टिलरी गन प्रणाली उपलब्ध करण्याचा करार
पॅरिस, फ्रान्स, १८ जून २०२६ : भारत फोर्ज लिमिटेडच्या संपूर्ण मालकीची संरक्षण क्षेत्रातील उपकंपनी असलेल्या ‘कल्याणी स्ट्रॅटेजिक सिस्टिम्स लिमिटेड’ने (केएसएसएल) लष्करी वाहनाधारित संरक्षण प्रणाली विकसित करणारी आघाडीची कंपनी एएम जनरल हिच्यासोबत युरोसॅटरी संरक्षण प्रदर्शनात आज धोरणात्मक भागीदारी करार केला.
बदलत्या युद्धपरिस्थितीत जगभरातील आधुनिक सैन्य दलांच्या गरजा पूर्ण करण्याच्या उद्देशाने केएसएसएल आणि एएम जनरल यांच्यात ही धोरणात्मक भागीदारी करण्यात आली आहे. या भागीदारीद्वारे सैन्य दलांना आकाराने कॉम्पॅक्ट, हलक्या वजनाचा, टिकाऊ, कठीण परिस्थितीतही प्रभावीपणे कार्य करणारा तसेच सर्व हवामानात आणि सर्व प्रकारच्या भूभागांवर सहज वापरता येणारा अत्याधुनिक ‘माउंटेड आर्टिलरी गन प्लॅटफॉर्म’ उपलब्ध करून दिला जाणार आहे. यामुळे सैन्य दलांना विशेष स्पर्धात्मक लाभ मिळू शकतो. या क्षेत्रात जागतिक स्तरावर मोठ्या प्रमाणावर संधी उपलब्ध आहेत. त्या दृष्टीने ही भागीदारी मित्रदेशांमधील व्यापक वितरणाला चालना देण्यासाठी करण्यात आली आहे. आधुनिक, गतिमान आणि युद्धपरिस्थितीत टिकून राहू शकणाऱ्या १५५ मिमी तोफखान्याची क्षमता विकसित करू इच्छिणाऱ्या भागीदार देशांसाठी हे व्यासपीठ विस्तारक्षम आणि निर्यातीसाठी योग्य उपाय म्हणून सादर केले जाणार आहे.
या धोरणात्मक भागीदारीचा लाभ घेत ‘एएम जनरल’ने अमेरिकी लष्कराच्या ‘मोबाईल टॅक्टिकल कॅनन’ (एमटीसी) कार्यक्रमात सहभागी होण्यासाठीही प्रस्ताव सादर केला आहे. अमेरिकी सरकारला सादर करण्यात आलेल्या या प्रस्तावामध्ये केएसएसएलच्या माउंटेड आर्टिलरी गन प्लॅटफॉर्मच्या युद्धपरिस्थितीत उपयुक्त ठरलेल्या आणि सिद्ध झालेल्या रचनेवर आधारित १५५ मिमी एमटीसी प्रणाली विकसित करून पुरविण्याचा समावेश आहे. या प्रस्तावाची निवड झाल्यास, या प्रणालीचे वितरण २०२७मध्ये करण्याचे नियोजन आहे.
विशेष विकसित करण्यात आलेल्या पॉवरपॅक आणि सस्पेन्शन प्रणालीसह कमी वजनाच्या या वाहनामुळे एमएआरजी प्रणाली लांब पल्ल्याच्या वाहतुकीसाठी तसेच रणांगणावरील जलद हालचालींसाठी अत्यंत उपयुक्त ठरते. या प्रणालीमध्ये ५२ कॅलिबर १५५ मिमी तोफ, पेटंटप्राप्त सॉफ्ट रीकॉइल टेक्नॉलॉजी (एसआरटी) आधारित रीकॉइल नियंत्रण प्रणाली, स्वयंचलित लोड-सहाय्य यंत्रणा आणि सर्व हवामानात कार्य करणारी प्रगत फायर कंट्रोल प्रणाली देण्यात आली आहे. त्यामुळे त्यातून अप्रत्यक्ष तसेच प्रत्यक्ष मारा करणे शक्य होते. ही प्रणाली प्रमाणित उच्च-स्फोटक प्रक्षेपास्त्र ४० किलोमीटरहून अधिक अंतरापर्यंत डागू शकते. तसेच या वाहनामध्ये २० हून अधिक प्रक्षेपास्त्रे आणि प्रोपेलंट चार्जेस साठवता येतात. पारंपरिक तोफखाना प्रणालींच्या तुलनेत ‘एमएआरजी’मधील एसआरटी प्रणाली ही रीकॉइलमधून निर्माण होणारा अधिकचा जोर शोषून घेते. त्यामुळे वाहन आणि टॉवरचे वजन कमी ठेवणे शक्य होते. तसेच संपूर्ण शस्त्र प्रणालीवर तिच्या वापराच्या कालावधीत कमी ताण येतो.
‘केएसएसएल’ची मूळ कंपनी असलेल्या ‘भारत फोर्ज लिमिटेड’चे उपाध्यक्ष आणि संयुक्त व्यवस्थापकीय संचालक अमित कल्याणी म्हणाले, "आमच्या प्रगत तोफखान्याच्या क्षमतांवर एएम जनरलने विश्वास दाखवला आहे. आधुनिक युद्धाच्या गरजा पूर्ण करणारी अत्याधुनिक आणि युद्धपरिस्थितीत सिद्ध झालेली उत्पादने देण्याच्या आमच्या कटिबद्धतेतून ही भागीदारी साकार झाली आहे."
‘एएम जनरल’चे अध्यक्ष आणि मुख्य कार्यकारी अधिकारी जॉन चॅडबोर्न म्हणाले, "केएसएसएल’सोबतची ही भागीदारी आमच्या मित्रदेशांना आणि रणांगणावरील सैनिकांना सहाय्य करण्याच्या आमच्या सामायिक बांधिलकीचे प्रतीक आहे. त्यांच्या अत्याधुनिक आणि सिद्ध झालेल्या प्लॅटफॉर्ममध्ये पेटंटप्राप्त ‘सॉफ्ट रीकॉइल टेक्नॉलॉजी’चा समावेश करून आम्ही खऱ्या अर्थाने नवी क्षमता उपलब्ध करून देत आहोत. रणांगणावरील बदलत्या परिस्थितीत यामुळे लष्करी दलांना महत्त्वाचा फायदा मिळू शकतो."
केएसएसएल भारतात विकसित करण्यात आलेल्या आणि जागतिक दर्जाच्या निकषांशी सुसंगत संरक्षण प्रणाली तयार करते. भारतासह जगभरातील देशांना प्रगत संरक्षण क्षमता उपलब्ध करून देणे हे कंपनीचे उद्दिष्ट आहे.
पंकज त्रिपाठी आणि आशी यांच्यासह डी बिअर्स ग्रुपकडून वडील आणि मुलीच्या स्वाभाविक नात्याचा उत्सव
- यंदाच्या फादर्स डे निमित्त 50 स्टोअर्समध्ये ग्राहकांसाठी एक अनोखा उपक्रम –
पुणे-18 जून 2026: डी बिअर्स ग्रुप यंदाचा फादर्स डे आपल्या ‘लव्ह, फ्रॉम डॅड’ या मोहिमेत एक अत्यंत भावनिक आणि वैयक्तिक भर घालून साजरा करत आहे. या मोहिमेअंतर्गत ख्यातनाम अभिनेते पंकज त्रिपाठी आणि त्यांची कन्या आशी यांच्यासोबत तयार करण्यात आलेल्या एका विशेष फिल्मद्वारे वडील आणि मुलगी यांच्यातील काळानुरूप विकसित होत जाणारे नाते अधोरेखित करण्यात आले आहे. विश्वास, प्रोत्साहन आणि निःस्वार्थ, निरपेक्ष पाठिंबा या मूल्यांवर उभ्या असलेल्या या नात्याचा हृदयस्पर्शी प्रवास या फिल्ममध्ये मांडण्यात आला आहे.
स्वतःची अभिव्यक्ती आणि वाढत्या स्वातंत्र्याचे अर्थपूर्ण प्रतीक ठरलेल्या दुसऱ्यांदा कान टोचून घेण्याच्या निर्णयाभोवती केंद्रित असलेली ही फिल्म वडील-मुलीच्या नात्यातील सर्वात प्रामाणिक आणि भावनिक क्षणांना जिवंत करते. समुद्रकिनाऱ्याच्या निवांत आणि निसर्गरम्य पार्श्वभूमीवर उलगडणाऱ्या या कथेत वाळूत उमटलेली पावले काळाच्या प्रवाहाचे आणि अधिक दृढ होत गेलेल्या नात्याचे प्रतीक बनतात. ही चित्रफीत प्रत्येक वडिलांना जवळची वाटणारी एक जाणीव टिपते. एकेकाळी त्यांच्या पावलावर पाऊल ठेवून चालणारी मुलगी आता आत्मविश्वासाने स्वतःचा मार्ग निवडत पुढे जात आहे. अभिमानाने भरलेल्या या शांत क्षणी नैसर्गिक हिरा हा केवळ एक भेटवस्तू राहत नाही; तो वडिलांकडून मुलीला दिलेला “मी तुला बघत आहे, समजून घेत आहे, माझा तुझ्यावर विश्वास आहे आणि तू जशी घडत आहेस त्याचा मला अभिमान आहे,” असा एक संदेश ठरतो.
ही कथा भारतभरातील ग्राहकांपर्यंत पोहोचवण्यासाठी डी बिअर्स ग्रुपने देशभरातील 50 निवडक रिटेल स्टोअर्समध्ये व्यापक उपक्रम सुरू केला आहे. मुंबई, दिल्ली, बंगळुरू, चेन्नई, हैदराबाद, कोलकाता, पुणे, लखनऊ आणि नागपूर यांसारख्या प्रमुख शहरांमध्ये वडील आणि मुलींना एका अनोख्या, आठवणींना उजाळा देणाऱ्या रिटेल अनुभवात सहभागी होता येणार आहे. या उपक्रमाद्वारे प्रत्येक ग्राहक आपल्या नात्याची एक गोड आणि कायमस्वरूपी आठवण सोबत घेऊन जाईल. फादर्स डे सप्ताहाच्या अखेरीस (20 - 21 जून, 2026) या निवडक स्टोअर्समध्ये नामांकित छायाचित्रकारांकडून वडील आणि मुली विशेष छायाचित्रे काढून हा क्षण संस्मरणीय बनवू शकतील.
पहिल्यांदा कान टोचण्याचा कार्यक्रम हा परंपरेनुसार होत असतो. पण दुसऱ्यांदा कान टोचणे हा एका तरुणीचा स्वतःचा वैयक्तिक निर्णय असतो. तो तिच्या स्वतंत्र व्यक्तिमत्त्वाचा, स्वातंत्र्याचा आणि स्वतःची अभिव्यक्ती व्यक्त करण्याच्या क्षमतेचा महत्त्वपूर्ण टप्पा दर्शवतो. ‘लव्ह, फ्रॉम डॅड’ या मोहिमेद्वारे डी बिअर्स नैसर्गिक हिऱ्याला या विशेष क्षणाचा गौरव करण्याचा सर्वात अर्थपूर्ण मार्ग म्हणून सादर करत आहे. नैसर्गिक हिऱ्याची दुर्मिळता, टिकाऊपणा आणि चिरस्थायित्व हे गुण वडील मुलीच्या नात्याच्या अढळ आणि दृढ बंधाशी जोडले गेले आहेत.
डी बिअर्स इंडियाच्या कॅटेगरी मार्केटिंगच्या कंट्री हेड तोरांज मेहता म्हणाल्या, “नैसर्गिक हिरे हे नेहमीच आयुष्यातील अत्यंत दुर्मिळ आणि विशेष क्षणांचे साक्षीदार राहिले आहेत. यंदाच्या फादर्स डे निमित्त आम्ही दुसऱ्यांदा कान टोचण्याचा निर्णय घेणे या गोष्टीचा मुलीच्या स्वातंत्र्याच्या प्रवासातील एक महत्त्वपूर्ण मैलाचा दगड म्हणून गौरव करत आहोत. पंकज त्रिपाठी आणि आशी यांच्यासोबत सहयोग करताना आम्ही प्रामाणिकपणा आणि दुर्मिळतेवर आधारित एका सुंदर नात्याचा उत्सव साजरा करत आहोत. भारतभरातील 50 हून अधिक स्टोअर्समध्ये परस्परसंवादी उपक्रमांद्वारे ही कथा ग्राहकांपर्यंत पोहोचवण्यास आम्ही उत्सुक आहोत. यामुळे कुटुंबांना मोहिमेशी जवळून जोडले जाण्याची, नैसर्गिक हिऱ्यांच्या दागिन्यांचा प्रत्यक्ष अनुभव घेण्याची आणि स्वतःसाठी एक अविस्मरणीय आठवण जपण्याची संधी मिळेल.”
पंकज त्रिपाठी यांच्यासाठीही हा सहयोग अत्यंत वैयक्तिक स्वरूपाचा होता. आपल्या साधेपणासाठी ओळखले जाणारे पंकज त्रिपाठी म्हणाले, “वडील म्हणून काही क्षण अत्यंत भावनिक असतात. त्यापैकी एक म्हणजे आपले मूल स्वतःची स्वतंत्र ओळख निर्माण करत आहे आणि स्वतःचे निर्णय घेत आहे याची जाणीव होण्याचा क्षण. दुसऱ्यांदा कान टोचणे हा अशाच आत्मविश्वासाच्या क्षणाचे प्रतीक आहे. या कथेत मला सर्वाधिक भावलेली गोष्ट म्हणजे एक साधी, छोटी कृती आयुष्यभर जपली जाणारी आठवण बनू शकते. माझी मुलगी आशीसोबत हा अनुभव शेअर करणे माझ्यासाठी खूपच विशेष ठरले. नैसर्गिक हिरा हा वडिलांच्या प्रेमाप्रमाणेच आयुष्याच्या प्रत्येक टप्प्यावर तितकाच अढळ आणि कायमस्वरूपी सोबत राहतो.”
फादर्स डे निमित्त तयार करण्यात आलेली ही व्हिडिओ मालिका डी बिअर्स ग्रुपच्या डिजिटल आणि सोशल मीडिया प्लॅटफॉर्म्सवर प्रसारित केली जाणार असून भारतभरातील कुटुंबांना क्षणिक ट्रेंड्सच्या पलीकडे टिकून राहणाऱ्या आयुष्यातील महत्त्वपूर्ण टप्प्यांचा उत्सव साजरा करण्यासाठी आमंत्रित करत आहे. या सहयोगाद्वारे डी बिअर्स जीवनातील सर्वात अर्थपूर्ण नातेसंबंधांच्या केंद्रस्थानी नैसर्गिक हिऱ्यांना स्थान देण्याची आपली परंपरा पुढे नेत आहे.
रील पाहण्यासाठी @heerahaisadakeliye ला भेट द्या आणि नैसर्गिक हिऱ्यांविषयी अधिक माहितीसाठी www.adiamondisforever.com ला भेट द्या.
यंदाच्या फादर्स डे निमित्त आपल्या खास छायाचित्रांद्वारे एक सुंदर आठवण जपण्यासाठी https://withlovefromdad.netlify.app/ ला भेट द्या.