पुणे- पुण्यात पिस्तुल आणि कोयते सहजासहजी मिळू लागल्याचे स्पष्ट झाले असून गेल्या ३० दिवसात लोणीकंद पोलिसांनी ८ देशी बनावटीचे पिस्तुले आणि त्याच्या २६ गोळ्या (जिवंत काडतुसे )जप्त केली आहे .
लोणीकंद पोलीसांनी जबरी चोरी करणारे दोघांकडुन एक वाहन, ०१ देशी बनावटीचे पिस्तुल व ०३ जिवंत काडतुसे केली हस्तगत.
-लोणीकंद पोलीस स्टेशन, गु.र.नं.८८५/२०२४ भारतीय न्याय संहीता कलम ३०९ (४),१२६(२), ३५१ (२),३ (५),३२४(४) अन्वये दाखल गुन्हयातील फिर्यादी हे त्यांचे ताब्यातील मंहिद्रा कंपनीची XUV 300 गाडीने नगरकडुन पुणे कडे येत असताना आरोपीतांनी फिर्यादीची गाडी अडवुन त्यांचा मोबाईल व गाडी जबरीने चोरी करुन घेवुन गेले म्हणुन दिनांक १४/०९/२०२४ रोजी गुन्हा दाखल करण्यात आला आहे.
दाखल गुन्हयात अपर पोलीस आयुक्त, पुर्व प्रादेशिक विभाग, पुणे शहर, मनोज पाटील, पोलीस उप आयुक्त, परिमंडळ ४ पुणे शहर हिम्मत जाधव, व सहा. पोलीस आयुक्त, येरवडा विभाग, पुणे शहर श्रीमती प्रांजली सोनवणे, यांनी वरिष्ठ पोलीस निरीक्षक, लोणीकंद पोलीस स्टेशन, पुणे शहर पंडीत रेजितवाड यांना सदरचा गुन्हा उघडकीस आणणे बाबत मार्गदर्शन करुन सुचना दिल्या.
नमुद गुन्हयाचा तपास चालू असताना दिनांक २८/०९/२०२४ रोजी पहाटे पोलीस नाईक स्वप्निल जाधव यांना त्यांचे गोपनिय बातमीदारा मार्फत मिळालेल्या माहीती नुसार वरिष्ठ पोलीस निरीक्षक पंडीत रेजितवाड, सपोनि रविंद्र गोडसे व पोलीस अंमलदार पोलीस नाईक स्वप्निल जाधव, कैलास साळुंके, अजित फरांदे, पोलीस अमंलदार साईनाथ रोकडे, विशाल गायकवाड यांनी बांगर वस्ती रोड, केसनंद या ठिकाणी सापळा रचुन दोन इसम नामे १) सचिन राजाराम ढोरे, वय ३८ वर्षे, रा. ढोरे वस्ती, मौजे केसनंद ता. हवेली जि.पुणे २) मंथन दत्तात्रय धुमाळ, वय २६ वर्षे, रा. साईनगर, खराडी चंदननगर पुणे यांना शिताफिने ताब्यात घेतले. त्यांचेकडुन गुन्हयात वापरलेली एक मारुती स्विप्ट कार तसेच अंगझडतीमध्ये ०१ देशी बनावटीचे पिस्तुल व ०३ जिवंत काडतुसे असा एकुण ५,२३,०००/- रुपयेचा मुददेमाल जप्त करुन नमुद आरोपी यांना दाखल गुन्हयात दिनांक २८/०९/२०२४ रोजी अटक करुन गंभीर स्वरुपाचा गुन्हा उघडकीस आणला आहे. अदयापावेतो झालेल्या तपासात यापुर्वी ०१ आरोपी पोलीस कस्टडीत असुन अटक केलेल्या दोन आरोपीना न्यायालयाने दिनांक ३०/०९/२०२४ रोजी पर्यंत ०२ दिवसांची पोलीस कस्टडी रिमांड सुनावली आहे. पुढील तपास सहा. पो. निरि. रविंद्र गोडसे हे करीत आहेत.
