पुणे – पुणे जिल्हा नियोजन समितीच्या निधी वाटपात व कामे मंजूर करण्यात पक्षपातीपणा होत असल्याचा आरोप राष्ट्रवादी काँग्रेस पार्टीच्या शरद पवार गटाच्या खासदार सुप्रिया सुळे यांनी केला. आज त्यांच्या नेतृत्वात महाविकास आघाडीच्या वतीने पुणे जिल्हाधिकारी कार्यालय येथे तीव्र आंदोलन करण्यात आले.
पुणे जिल्हा नियोजन समितीच्या निधी वाटपात व कामे मंजूर करण्यात पक्षपातीपणा होतो आहे असा आरोप राष्ट्रवादी कॉँग्रेस शरद पवार गटाच्या खासदार सुप्रिया सुळे यांनी केला. या वेळी त्या बोलताना म्हणाल्या की महाविकास आघाडीच्या एकाही खासदाराला,आमदाराला एका रुपयाचाही निधी देण्यात आलेला नाही. याउलट महाविकास आघाडीच्या खासदार,आमदारांवर मात्र निधीचा पाऊस पाडण्यात आला आहे. विरोधी पक्षाच्या खासदार,आमदारांच्या मतदार संघातील जनता ही सरकारला महत्त्वाची वाटत नाही का ? असा प्रश्न खा.सुळे यांनी विचारला आहे.
या आंदोलनात खासदार सुप्रियाताई सुळे,प्रशांत जगताप,आमदार अशोकबापू पवार, आमदार संग्राम थोपटे, आमदार संजय जगताप, राष्ट्रवादी काँग्रेस पार्टी शरदचंद्र पवार पक्षाचे जिल्हाध्यक्ष जगन्नाथबापू शेवाळे,भारती शेवाळे, स्वाती पोकळे, मृणाल वाणी, स्वाती ढमाले,महादेव कोंढरे यांच्यासह महाविकास आघाडीचे सर्व पदाधिकारी व कार्यकर्ते मोठ्या संख्येने सहभागी होते.
