पुणे: 12 सप्टेंबर 2024 : यूएस चेंबर ऑफ कॉमर्सच्या यूएस-इंडिया बिझनेस कौन्सिल (यूएसआयबीसी) इंडिया आयडिया समिट आणि 49व्या वार्षिक सर्वसाधारण सभेत भारत फोर्जचे अध्यक्ष आणि व्यवस्थापकीय संचालक बाबासाहेब उर्फ “बाबा” एन. कल्याणी यांना ग्लोबल लीडरशिप अवॉर्ड घोषित करण्यात आला. द्विपक्षीय आर्थिक संबंध वाढविण्यासाठी आणि यूएस-भारत व्यावसायिक कॉरिडॉरमध्ये वाढीसाठी महत्त्वपूर्ण योगदान देण्यासाठी त्यांचे कार्य समर्पित करणाऱ्या यूएस आणि भारतातील बिझनेस चॅम्पियन्सना दरवर्षी यूएसआयबीसीच्या वतीने सन्मानित करण्यात येते.
यूएसआयबीसीचे अध्यक्ष राजदूत (निवृत्त) अतुल केशप म्हणाले, “बाबा कल्याणी हे एक अनन्यसाधारण जागतिक व्यावसायिक लीडर आहेत. त्यांच्याकडे महत्त्वपूर्ण पायाभूत सुविधा निर्माण करण्यासाठी दूरदृष्टी आहे. पद्मभूषण सन्मान प्राप्त बाबा कल्याणी एका भारतीय उद्योजकाच्या शक्ती आणि गतिशीलतेचे आदर्श उदाहरण आहे. त्यांनी भारताला प्रगत उत्पादनासाठी जागतिक स्तरावरील स्पर्धात्मक केंद्रात बदलण्यासाठी आपले जीवन समर्पित केले आहे. भारत फोर्ज हे जागतिक ऑटोमोटिव्ह आणि औद्योगिक क्षेत्रामध्ये एक प्रस्थापित नाव असताना, बाबा कल्याणी यांचे नेतृत्व व तंत्रज्ञानावर आधारित नवोपक्रमाची आवड कंपनीला भारतातील सर्वात मोठ्या संरक्षण उत्पादकांपैकी एक म्हणून स्थान मिळवून देत आहे आणि संरक्षण निर्यातदार बनण्याच्या भारताच्या आकांक्षेला चालना देण्यात आघाडीवर आहे. यूएसआयबीसीचा 2024 चा ग्लोबल लीडरशिप अवॉर्ड बाबा एन. कल्याणी यांना प्रदान करणे हे आमच्यासाठी अभिमानास्पद आहे.”
या गौरवाबद्दल कृतज्ञता व्यक्त करत डॉ. बाबा कल्याणी यांनी सांगितले की, “आज मला मिळालेला हा प्रतिष्ठित सन्मान विनम्रपणे स्वीकारतो. सर्वात मोठी लोकशाही म्हणून भारत आणि युनायटेड स्टेट्स यांच्यात मजबूत जागतिक धोरणात्मक संबंध आहेत आणि भारत फोर्जमध्ये वाढत्या द्विपक्षीय व्यापारात आणि दोन्ही देशांमधील वाढीव व्यावसायिक सहभागामध्ये योगदान दिल्याबद्दल आम्हाला अभिमान वाटतो. भारत प्रचंड आर्थिक क्षमता आहे. भारत फोर्ज AI, Industry 5.0 आणि प्रगत संरक्षण तंत्रज्ञान व उत्पादनांसह नावीन्यपूर्णतेच्या कक्षा आणखी रुंदावत राहील. अनेक दशकांपासून यूएसआयबीसी केवळ भारत फोर्जचा व्यवसायात विश्वासू भागीदार नाही, तर मुक्त एंटरप्राइझ, निष्पक्ष व्यापार, संधी अनलॉक करण्यासाठी आणि आमच्या देशांच्या आर्थिक संबंधांमधील आव्हाने सोडविण्यासाठी आमची वचनबद्धता एकच आहे.”
