पुणे-पुण्यात १९ मेच्या मध्यरात्री बिल्डर विशाल अग्रवालच्या १७ वर्षे ८ महिने वयाच्या मुलाने दारूच्या नशेत भरधाव पोर्शे कार चालवून दोघांचा जीव घेतला. या प्रकरणाचे ९०० पानी आरोपपत्र पोलिसांनी दाखल केले. त्यात आरोपीचा बाप विशाल व आई शिवानी यांनी पुरावे नष्ट करण्यास इतर आरोपींना भाग पाडले असे नमूद केले आहे. दोन डॉक्टरांचाही गुन्ह्यात सहभाग स्पष्ट झाला. मात्र पहाटे 3 ते सकाळी सात वाजेपर्यंत येथे थांबून राष्ट्रवादीचे आमदार सुनील टिंगरे काय करत होते याबाबत आरोपपत्रात साधा एका शब्दाचाही उल्लेख नसल्याने यासंदर्भात चर्चेला पूर येऊ पाहतो आहे .
ससूनमधील शिपाई अतुल घाटकांबळे (३०) याच्यावर आरोप आहेकी, सदाेष मनुष्यवधाच्या गंभीर गुन्हयात महत्वाचे पुरावे नष्ट करण्यासाठी कट रचून आराेपी मकानदार व गायकवाड यांच्याकडून पैसे स्विकारुन ते डाॅक्टर हाळनाेर यांना देण्यासाठी मध्यस्थी केली. रक्ताचे नमुने बदलण्यास इतर आराेपींना सहकार्य केले.आरोपीचे वडिल विशाल अग्रवाल (५०) याच्यावर आरोप आहे कि,’ मुलाकडे वाहन परवाना नसताना त्याला चारचाकी वाहन चालविण्यास दिले. पाेर्श कारची नाेंदणी झालेली नसताना ती चालवण्यासाठी दिली. मुलगा दारु पिऊन गाडी चालवणार असल्याचे माहित असूनही त्याला मज्जाव केला नाही. अपघातात दोघांचा मृत्यू झाला तेव्हा सदाेष मनुष्यवधाची गंभीर कृत्य करण्यास मुलास प्राेत्साहन व प्रेरणा दिली. पुरावे नष्ट करण्यासाठी कट रचून लाचेच्या स्वरुपात इतर आराेपींना आर्थिक प्रलाेभने दाखवली.आरोपीची आई शिवानी (४९) हिच्यावर आरोप आहे की,’ मुलाच्या गुन्हयातील महत्वाचे पुरावे नष्ट करण्यासाठी लाचेच्या स्वरुपात रुग्णालयाचे डाॅक्टरांना प्रलाेभन दाखवले. मुलाचा रक्ताचा नमुना देण्या ऐवजी स्वत:च्या रक्ताचा नमुना देऊन, मुलाचा रक्ताचा नमुना नष्ट करण्यात सहभाग घेतला.डाॅ.अजय तावरे (वय : ३८) याच्यावर आरोप आहे की,’ गंभीर गुन्ह्यातील पुरावे नष्ट करण्यासाठी कट रचून चार लाख रुपयांची लाच मागण्यास डाॅ.श्रीहरी हाळनाेर यास भाग पाडले. रक्ताचा नमुना जाणीवपूर्वक बदलण्यात आला. एवढ्या गंभीर गुन्ह्यात आरोपीला पाठीशी घालण्यासाठी अगरवाल दांपत्याकडून लाचेची रक्कम ससूनमधील डाॅ. हाळनाेर व शिपाई अतुल घाटकांबळे यांच्यामार्फत स्वीकारली.अश्पाक मकानदार (वय : ३६) याच्यावर आरोप आहे की, गुन्हेगारी कट रचून आर्थिक प्रलाेभन देऊन रुग्णालयातील डाॅक्टरांना लाचेची रक्कम आणून दिली. मुलाचे रक्ताचे नमुने न घेता, मुलाचे आईचे रक्ताचे नमुने घेऊन मुलाचे रक्ताचे नमुने नष्ट करण्यास डाॅक्टरांना प्रेरणा दिली.डाॅ. श्रीहरी हाळनाेर (वय : ३५) याच्यावर आरोप आहेकी,सदाेष मनुष्यवधाचे गुन्ह्यातील महत्त्वाचे पुरावे नष्ट करण्याच्या उद्देशाने फाैजदारीपात्र कट केले. त्यासाठी अग्रवाल दांपत्याकडे ४ लाख रुपयांची मागणी केली. गुन्हा सिद्ध करण्यास महत्त्वपूर्ण असलेला रक्ताचा नमुना नशेतील अल्पवयीन आरोपीचा न घेता त्याच्या आईचा घेतला. डाॅ.अजय तावरे यांच्या सांगण्यानुसार हा बोगस रक्तनमुना बनावट नोंद करून सीलबंद केला व तपासणीसाठी प्रयोगशाळेत पाठवला.अमर गायकवाड (वय : २७) याच्यावर आरोप आहेकी,पुरावे नष्ट करण्याच्या उद्देशाने कट रचला. अग्रवालांच्या सांगण्यानुसार डाॅ. हाळनाेर यांना ४ लाख रुपयांपैकी ३ लाख रुपये अशपाक मकानदार याच्यासाेबत आणून दिले. आराेपी मुलाचा रक्ताचा नमुना नष्ट करण्यास सहकार्य केले.
१० जणांचे जबाब नोंदवले असून ५० साक्षीदार
पोलिसांनी आतापर्यंत १० जणांचे जबाब नोंदवले असून ५० साक्षीदार नोंदविले आहेत. आराेपींची आेळखपरेड झाली असून १६४ नुसार जबाब नाेंद काही साक्षीदारांचे घेण्यात आले आहे. हा अपघात नेमका कसा घडला याबाबत रिक्रिएशन सीन व इम्पॅक्ट असेंसमेंटचे अहवाल, डीएनए रिपाेर्ट, हस्ताक्षर तज्ञ अहवाल, आरटीओ विभाग अहवाल सादर करण्यात आले आहे. अद्याप काही जणांची आळेखपरेड बाकी असून काही साक्षीदारांचे जबाब नाेंदवणे बाकी आहे, तांत्रिक पुरावे विश्लेषण करुन तपास करणे आहे, सीसीटीव्ही फुटेज पडताळणी याबाबतची माहिती पुरवणी दाेषाराेपपत्रात सादर करणे बाकी आहे.
