पुणे- हातावर सुरेखा नाव गोंदलेले आणि केवळ परकर पोलक्यावर पर्वतीच्या जंगलात आढळून आलेल्या ३० ते ४० वयोगटातील त्या महिलेच्या मृतदेहाबाबत पोलिसांनी तपासाची सूत्रे वेगाने हलविण्याचे ठरवले असून या महिलेचा मृत्यू अकस्मात नसून मर्डर असल्याचे निष्पन्न झाले आहे. तब्बल सव्वा तीन वर्षानंतर हा खून निष्पन्न झाल्याने तपास करण्यासाठी पोलिसांनी खास यंत्रणा राबविण्याचे ठरविले आहे.
वरिष्ठ पोलीस निरीक्षक जयराम पायगुडे 9823015100 याप्रकरणी अधिक तपास करत आहेत. गेल्या १७ ऑगस्ट २०२० रोजी दुपारी या महिलेचा मृतदेह पर्वती च्या जंगलात पाण्याच्या पडक्या टाकीजवळ आढळून आला होता . तिच्या डोक्यात आणि छातीत कठीण वस्तूने प्रहार करण्यात आल्याचे पोलिसांचे म्हणणे आहे ,काही कागदपत्रांच्या तपासावरून हा खून उघड झाला आहे, मात्र या महिलेची ओळख अद्याप पटलेली नाही.
याबाबत पर्वती पोलिसस्टेशनचे पोलिसनिरीक्षक (गुन्हे) विजय खाेमणे यांनी अज्ञात आराेपी विराेधात फिर्याद दाखल केली आहे. पोलिसांनी दिलेल्या माहितीनुसार, पर्वती टेकडीच्या जंगलात पोलिसांना 17/8/2020 राेजी पाण्याचे टाकीजवळ अनाेळखी महिलेचा मृतदेह मिळून आलेला हाेता. काेणीतरी अज्ञात व्यक्तीने अज्ञात कारणावरुन तिच्या डाेक्यात व छातीत कठीण वस्तुने आघात करुन तिला गंभीर जखमी करुन तिचा खून केल्याचे शवविच्छेदन अहवालात सांगण्यात आले आहे.
सदर महिलेच्या हातावर ‘सुरेखा’ या नावाने गाेंदवण्यात आलेले आहे. मात्र, तिचा खून नेमका काेणी केला, काेणत्या कारणास्तव केला, तिची खरी ओळख काय आहे याबाबत अद्याप काेणताही खुलासा झालेला नाही. याप्रकरणी पोलिसांनी अक्समात मयत गुन्हयात सीआरपीसी कलम 174 प्रमाणे चाैकशीत खून झाल्याचे निष्पन्न झाल्याने अज्ञातावर गुन्हा दाखल केला आहे.
