थायलंड, बँकॉकला कमी पैशात नेतो सांगून Tour कंपनीकडून १३ लाखांची फसवणूक

पुणे : थायलंड आणि बँककॉकला जाण्याचं स्वप्न आता सगळ्या युवकांचे झाले आहे. कमी पैशात परदेश फिरण्यासाठी थायलंड आणि बँकॉक हे सामान्य नागरिकांनासाठी सोयीस्कर पडतं. सोयीस्कर पडणाऱ्या या टूर प्रोग्रॅममध्ये लोकांच्या आर्थिक फसवणूकचे प्रकार सध्या वाढत आहे. हे वाढत असताना आता नामांकित विमा कंपनीच्या वरिष्ठ अधिकाऱ्यांच्या फसवणुकीचे प्रकार समोर आले आहेत.एका नामांकित विमा कंपनीच्या वरिष्ठ अधिकाऱ्यासह इतरांना बँकॉक, थायलंड इथे परदेशात पर्यटनासाठी घेऊन जातो असे सांगून टुर कंपनीच्या चालकाने तब्बल १३ लाख ३६ हजार रुपयांचा गंडा घातला आहे. या प्रकरणी एसडी हॉलीडेज कंपनीचे दर्शन ध्रुव यांचेवर डेक्कन पोलीस ठाण्यात आर्थिक फसवणुकीचा गुन्हा दाखल करण्यात आलेला आहे.या प्रकरणी स्टार हेल्थ इन्शुरन्स कंपनीचे वरिष्ठ झोनल अधिकारी कपिल कमल बजाज (वय-४१, रा. पिंपळे निलख, पुणे) यांनी आरोपी विरोधात पोलिसांकडे फिर्याद दाखल केली आहे. सदरचा प्रकार १४/११/२०२२ ते आतापर्यंत घडलेला आहे. पोलिसांनी दिलेल्या माहितीनुसार, तक्रारदार कपिल बजाज यांना आरोपी दर्शन ध्रुव यांनी त्यांचे एस डी हॉलीडेज मार्फत एजंट लोकांकरिता डिसेंबर २०२२ मध्ये बँकॉक, थायलंड येथे टुरकरिता प्रवाशांची विमानांची तिकिटे व व्हिसा या सर्व गोष्टीची पूर्तता करुन देण्याचे आश्वासन दिले.या करिता तक्रारदार यांचेकडून आरोपीने आगाऊ रक्कम म्हणून आठ लाख ७५ हजार रुपये रक्कम घेतली. तसेच त्याचे एजंटचे नातेवाईकांकडून तक्रारदार यांचेशी परस्पर संर्पक करुन टुरला घेऊन जातो असे सांगून त्यांचेकडून देखील चार लाख ६१ हजार रुपये घेण्यात आले. मात्र, त्याबदल्यात कोणतेही तिकिट न देता तसेच कंपनीचे व एजंटची व त्यांचे नातेवाईक, मित्रांची तब्बल १३ लाख ३६ हजार रुपयांची फसवणुक करण्यात आली आहे. सदर रकमेचा अपहार केला गेला असून बनावट आरटीजीएस स्लीप तसेच धनादेश बनवून रक्कम दिल्याचे भासवले आहे. याबाबत सहाय्यक पोलीस निरीक्षक एस रोरमले पुढील तपास करत आहे