पुणे- येथील ३७ वर्षीय तरुणाला अज्ञात व्यक्तीने फाेन करुन मुंबई सायबर क्राईम ब्रँच मधून बाेलत आहे असे सांगून तुमच्या नावाचे मुंबई ते तैवान पार्सल मध्ये ड्रग सापडल्याचे सांगण्यात आले. याबाबत गुन्हा दाखल न करण्यासाठी तसेच बँक खात्याची खातरजमा करण्यासाठी गाेपनीय माहिती घेऊन तब्बल 28 लाख रुपयांचा ऑनलाइन गंडा घालण्यात आल्याचा प्रकार उघडकीस आला आहे.
याप्रकरणी अज्ञात माेबाईल क्रमांक धारक व आयसीआयसीआय बँक खातेधारक यांचे विराेधात सिंहगड पोलिस ठाण्यात गुन्हा दाखल करण्यात आलेला आहे. याबाबत रत्नदिप पुरुषाेत्तम ब्राम्हणकर (वय-37) यांनी पोलिसांकडे तक्रार दाखल केली आहे. तक्रारदार ब्राम्हणकर यांना अज्ञात व्यक्तीने फाेन करुन ताे सायबर क्राईम मुंबई मधून हर्षवर्धन नावाचे अधिकारी बाेलत असल्याचे सांगितले तक्रारदार यांचे नावाचे मुंबई ते तैवान असे पार्सल जात असून त्याचे एक्सापयर पासपाेर्ट, एसबी आय क्रेडीट कार्ड 450 ग्रॅम ड्रगज सापडले आहे, असे सांगून तक्रारदार यांचे खाते व्हेरीफाय करायचे आहे असे सांगितले. तक्रारदार यांचे बँक खात्याची माहिती घेऊन खात्यातून एकूण 28 लाख रुपये परस्पर हस्तांतरित करण्यास भाग पाडले. याबाबत पुढील तपास सिंहगड राेड पोलिस ठाण्याचे पोलिस निरीक्षक जयंत राजुरकर करत आहे.