पुणे-अंघोळ केल्यानंतर टाॅवेल वाळत घालण्यासाठी गेलेल्या एका व्यक्तीला वीजेचा शाॅक लागला. त्यामुळे त्यास वाचविण्यासाठी त्यांची पत्नी धावपळीत जाऊन तिने त्यांना वाचविण्याचा प्रयत्न करण्याचे नादात तिला देखील वीजेचा शाॅक लागला. यादरम्यान, आई वडील दाेघांना वीजेचा शाॅक बसत असल्याचे पाहून त्यांच्या बचावासाठी गेलेल्या मुलास देखील वीजेचा शाॅक लागून तीघांचा एकचवेळी दुर्देवीरित्या मृत्यु झाल्याची घटना दाैंड तालुक्यातील दापाेडी या ठिकाणी घडली अाहे.
सुरेंद्र देविदास भालेकर (वय-४४), पत्नी अदिका सुरेंद्र भालेकर (३८) व प्रसाद सुरेंद्र भालेकर (१७) अशी या घटनेत मयत झालेल्या व्यक्तींची नावे आहेत . भालेकर कुटुंब मुळचे साेलापूर येथील रहिवासी असून ते कामाच्या निमित्ताने दाैंड तालुक्यात दापाेडी येथे अडसूळ नावाच्या व्यक्तीचे खाेलीत भाडयाने राहत हाेते. संबंधित त्यांची राहती खाेली ही पत्र्याची असून त्यांच्या खाेली शेजारीच वीजेचा खांब आहे . सुरेंद्र भालेकर हे साेमवारी सकाळी अंघोळ करुन ओला झालेला टाॅवेल वाळत टाकण्यासाठी घराजवळील तारेपाशी गेले हाेते. त्यावेळी त्यांच्या घरात वीज पुरवठा केलेली एक वायर पत्र्यावर टाकलेली हाेती. वाऱ्याने सदर वायर हलून त्याचेवरील आवरण निघून गेल्याने वायर मधील वीजप्रवाह हा जवळच्या तारेत देखील उतरला हाेता. याच तारेवर सुरेंद्र भालेकर टाॅवेल वाळत टाकण्यासाठी गेले असताना त्यांना जाेरात वीजेचा धक्का बसला. त्यामुळे त्यांनी आरडाओरडा केली. त्यामुळे त्यांची पत्नी अदिका त्यांना वाचविण्यासाठी धावत आली व तिला देखील वीजेचा धक्का बसला. आई वडीलांना याचवेळी ओढण्याचा प्रयत्न करत असताना मुलगा प्रसाद यास देखील विजेचा धक्का लागून त्याचा देखील दुर्देवी मृत्यु झाला.
या घटनेवेळी सुदैवाने भालेकर यांची मुलगी क्लाससाठी गेल्याने व दुसरा एक मुलगा गावी गेला असल्यान या अपघातातून बचावले गेले अाहे. सुरेंद्र भालेकर हे बांधकामासाठी सेट्रिंगची कामे करुन कुटुंबाचा उदरनिर्वाह करत हाेते. त्यांची पत्नी शेतात मजुरीचे काम करत हाेती तर मुलगा प्रसाद हा १२ वी मध्ये शिक्षण घेत हाेता. एकाचवेळी कुटुंबातील तीनजणांचा मृत्यु झाल्याने हळहळ व्यक्त केली जात अाहे. या घटनेची माहिती मिळाल्यावर, महावितरणचे कर्मचारी व पाेलीस घटनास्थळी दाखल झाले. पाेलीसांनी सदर मृतदेह ताब्यात घेऊन शवविच्छेदनासाठी रुग्णालयात पाठवले.