आमदार चेतन तुपे -पुणे सोलापूर मार्गावरील हडपसर येथे अनधिकृतपणे होणारा खाजगी बसेस थांबा आणि पार्किंग आता शेवाळेवाडी येथे पीएमपीएल बस डेपोच्या जागेत हलविण्यात आले आहे. माझ्या अथक पाठपुराव्याने तसेच विधानभवनात देखील यावर आवाज उठविल्याने पुणे मनपा व प्रशासनाने आमची दखल घेत हा थांबा मंजूर केला आहे. या जागेची माहिती खाजगी बस चालकांना व्हावी, नियमाप्रमाणे त्यांनी वागावे यासाठी काल रात्री पाऊस सुरू असताना रस्त्यावर थांबून या बसेसना नूतन जागेत थांब्यास पाठविले. पुणे सोलापूर मार्गावरील वाहतूक कोंडी टाळण्यासाठी, नागरिकांना होणारा त्रास दूर करण्यासाठी मी अथकपणे पाठपुरावा, काम करत आहे. याच प्रयत्नांना यश येते असून खाजगी बसेसच्या अतिक्रमणामुळे होणाऱ्या वाहतूक कोंडीतून या रस्त्याची सुटका होते आहे. शेवाळेवाडी येथील जागेतच या बसेस थांबतील याची आम्ही खात्री करून घेत राहूच.
वाहतूक कोंडी सोडवण्यासाठी आमदार तुपे उतरले रस्त्यावर
पुणे-सोलापूर रस्त्यावरील हडपसर भागातील भाजी मंडई, गाडीतळ, आकाशवाणी, मगर पट्टा या भागात खासगी ट्रॅव्हल्स बस उभ्या राहात असल्याने रस्त्यावर मोठ्या प्रमाणात वाहतूक कोंडी होते. त्यामुळे या रस्त्यावरून प्रवास करणारे वाहनचालक आणि स्थानिक नागरिकांना चांगला त्रास सहन करावा लागत आहे. त्यामुळे हडपसर मतदारसंघाचे आमदार चेतन तुपे खासगी ट्रॅव्हल्स बसला रस्त्याच्या मधे न थांबता शेवाळेवाडी येथे थांबण्याच्या सूचना देत वाहतूक कोंडी सोडवण्यासाठी रस्त्यावर उतरले होते. सोलापूर महामार्गावरून हडपसरभागात जड वाहनांची मोठी वाहतूक आहे. त्यात खासगी ट्रॅव्हल्स बस मगरपट्टा ते आकाशवाणीपर्यंत प्रवाशांना सेवा देण्यासाठी भर रस्त्यात बस उभ्या करतात. त्यामुळे या रस्त्यावर वाहनांच्या लांबच लांब रांगा लागतात. यावर कायमस्वरूपी मार्ग काढण्याची मागणी नागरिकांनी केली होती. त्यावर पुणे वाहतूक पोलिसांनी पर्याय शोधून खासगी ट्रॅव्हल्स बसचालकांना शेवाळेवाडी येथील पीएमपी प्रशासनाची जागा भाडेतत्त्वावर घेण्याचा प्रस्ताव दिला आहे. त्यानंतर आता खासगी ट्रॅव्हल्स बस रस्त्यात उभ्या न करता थेट शेवाळेवाडी येथे थांबविण्यात याव्या, अशा सूचना दिल्या जात होत्या. आता या भागात खासगी बस थांबणार नसल्याने वाहतूक कोंडीतून वाहनचालकांची सुटका होणार आहे.
सोलापूर रस्त्यावरील हडपसर भागात मोठी बाजारपेठ आहे. या बाजार पेठेत खरेदीसाठी येणाऱ्या नागरिकांची संख्या मोठी आहे. सोलापूर हायवेलगत मोठ्या प्रमाणात कपड्यांची दुकाने आहेत. त्यामुळे या मार्गाने प्रवास करणारेदेखील नागरिकांची गर्दी बघून खरेदीसाठी येतात. त्यामुळे रस्त्यावर वाहने लावली जातात. त्यामुळे वाहतूक कोंडीत भर पडते. त्यात या रस्त्यावरून सोलापूरसह इतर जिल्ह्यात जाण्यासाठी खासगी ट्रॅव्हल्स बसची मोठ्या प्रमाणात वाहतूक होते. त्यामुळे प्रवासी संख्यादेखील चांगलीच असते. या प्रवाशांसाठी या बस रस्त्यावरच थांबत असल्याने वाहतूक कोंडी प्रमाणात होते. त्यामुळे संध्याकाळी सात वाजल्यापासून वाहनांच्या रांगा लागतात.
पुण्याचे स्वतंत्र ,पहिले,ऑनलाइन मराठी न्यूज पोर्टल.. http://mymarathi.net/
पुणे महापालिकेची मुख्य सभा लाईव्ह करणारे सर्वात पहिले न्यूज पोर्टल ..
C.G.Registration No.MSME/ MH- 26-0179354,M.G. RC No. DCL 2131000315798079
मालक-संपादक : शरद लोणकर( mobile-9423508306) sharadlonkarpune@gmail.com
- State Committe Member Of Digital Media Editor Journalist Association Maharshtra
*1984 पासून पुण्यात पत्रकारिता,
*आजीव सभासद - अखिल भारतीय मराठी चित्रपट महामंडळ,
*आजीव सभासद - महाराष्ट्र साहित्य परिषद,
*पुण्याच्या रस्त्याखाली ३० फुट खोल उतरून पेशवेकालीन भुयारी पाणीपुरवठा यंत्रणेचा प्रत्यक्षात माग काढणारा पहिला पत्रकार म्हणून मान मिळविला ...
*स्वातंत्र्य वीर सावरकर यांचे नातू प्रफुल्ल चिपळूणकर हे सारस बागेजवळ भिक्षुकाच्या अवस्थेत दुर्लक्षित जिवन जगत असल्याचे सर्वप्रथम निदर्शनास आणून दिले
*इराक मध्ये अडकलेल्या भारतीय मजुरांची सुटका होण्यासाठी विशेष प्रयत्न -लातूर मधील ५ तरुणांची सुटका .
*निगडीतील २ महिन्यात दुप्पट पैसे देणाऱ्या सनराईज कन्सल्टन्सी च्या तथाकथित एल टीटीइ हस्तकाचा पर्दाफाश-संबधित फरार
https://www.facebook.com/MyMarathiNews/