पुणे, दि. २७: भारत निवडणूक आयोगाकडून पुणे लोकसभा मतदारसंघातील निरीक्षणासाठी नियुक्त करण्यात आलेले सर्वसाधारण निवडणूक निरीक्षक प्रसाद लोलयेकर यांनी वडगावशेरी विधानसभा मतदार संघातील निवडणूक कार्यालयाला भेट देऊन कामकाजाचा आढावा घेतला.
यावेळी सहायक निवडणूक निर्णय अधिकारी सचिन बारवकर, अतिरिक्त सहायक निवडणूक निर्णय अधिकारी तृप्ती कोलते उपस्थित होत्या.
यावेळी श्री. लोलयेकर यांनी वडगाव शेरी मतदारसंघातील मतदारांची व मतदान केंद्रांची संख्या, ५ पेक्षा जास्त केंद्र असणाऱ्या ठिकाणी मतदारांसाठी करण्यात आलेल्या सोयी सुविधा, मतदानासाठी होणारे साहित्य वितरण केंद्रावरील कामकाज व कार्यवाही, २०१९ मधील लोकसभा निवडणुकीतील मतदानाच्या टक्केवारीबाबत माहिती घेतली. तसेच पुढील आठवड्यात प्रत्यक्ष मतदानकेंद्राची तपासणी करणार असल्याचे सांगितले.
