मुंबई दिनांक १७ एप्रिल २०२४
मुंबई भाजपातर्फे रामनवमी मोठ्या उत्साहात साजरी करण्यात आली. मुंबई भाजपा अध्यक्ष आ. ॲड. आशिष शेलार यांच्या नेतृत्वात भाजपा खासदार, आमदार, नगरसेवक आणि पदाधिकाऱ्यांकडून मुंबईतील ३६ विधानसभा क्षेत्रात राम जन्मोत्सव सोहळ्यासह विविध सांस्कृतिक आणि धार्मिक कार्यक्रमांचे आयोजन करण्यात आले.
मुंबई भाजपा अध्यक्ष आ. ॲड. आशिष शेलार वांद्रे पश्चिम मतदारसंघातील आयोजित रामनवमी उत्सवात सहभागी झाले. कॅबिनेट मंत्री ॲड. मंगलप्रभात लोढा यांनी खेतवाडी येथील सार्वजनिक श्री उत्सव मंडळाद्वारे आयोजित श्रीराम मंदिर प्राणप्रतिष्ठा सोहळ्यास उपस्थिती दर्शवली. दहिसर मतदार संघातील दौलत नगर येथे उत्तर मुंबई लोकसभा मतदार संघाचे उमेदवार खा. पीयूष गोयल, आ. मनीषा चौधरी यांनी रथयात्रेच्या कार्यक्रमाला उपस्थित राहून मनोभावे दर्शन घेतले. तसेच उपस्थित राम भक्तांशी संवाद साधला. यावेळी प्रकाश दरेकर, माजी नगरसेवक विद्यार्थी सिंह उपस्थित होते. आ. मिहिर कोटेचा यांनी मुलुंड पश्चिमेकडील ‘बाबाजी की झोपडी’ या सुप्रसिद्ध मंदिरात राम जन्मोत्सवाला हजेरी लावत प्रभू श्रीरामचंद्रांचे दर्शन घेत शुभाशिर्वाद घेतले. आ. सुनील राणे यांनी बोरिवलीतील जनसंपर्क कार्यालयात कार्यक्रमाचे आयोजन केले. आ. प्रवीण दरेकर यांनी मागाठाणे काजुपाडा येथे आयोजित कार्यक्रमात उपस्थिती दर्शवली.