पुणे – खासदार डॉ. अमोल कोल्हे यांनी महायुतीला आणखी एक धक्का देत खेड – आळंदी विधानसभा मतदारसंघात मोठी ताकद असलेले भाजपचे नेते माजी जिल्हा परिषद सदस्य अतुल देशमुख यांना राष्ट्रवादी काँग्रेस शरदचंद्रजी पवार पक्षात प्रवेश देऊन शिरुर लोकसभा मतदारसंघात आपली ताकद आणखी वाढवली आहे.
२०१९ च्या खेड आळंदी विधानसभा निवडणुकीत अपक्ष उमेदवार म्हणून अतुल देशमुख यांनी मोठी ताकद दाखवून दिली होती. त्याचबरोबर सर्वसामान्य लोकांच्यात भाजप पक्ष वाढविण्यासाठी मोठी कामगिरी बजावलेले देशमुख भाजपमध्ये गेल्या काही महिन्यांपासून नाराज होते. देशमुख यांनी खेड नगरपरिषद आणि आळंदी नगरपरिषदमध्ये भाजपचे वर्चस्व मिळवले होते. सातत्याने राष्ट्रवादी काँग्रेस पक्षाचे (अजित पवार गट) आमदार दिलीप मोहिते पाटील यांच्याशी देशमुख यांचा तालुक्यात संघर्ष पाहायला मिळाला त्यातच अजित पवार यांचा राष्ट्रवादी काँग्रेस पक्ष महायुतीमध्ये सामील झाल्यापासून अतुल देशमुख आणि दिलीप मोहिते यांचा अजून संघर्ष शिगेला पोहोचला असता त्यातच भाजपमध्ये सुरू असलेला देशमुख यांचा संघर्ष त्यामुळे नाराज अतुल देशमुख यांनी खासदार डॉ. अमोल कोल्हे यांच्याशी संपर्क केला आणि कार्यकर्त्यांशी चर्चा करून देशमुख यांनी आज शरद पवार यांच्या उपस्थितीत पक्ष प्रवेश केला.
अतुल देशमुख यांनी पक्ष प्रवेश केल्यानंतर खेड तालुक्यात कशा प्रकारे आमदार मोहिते यांची दडपशाही सुरू आहे त्याची माहिती दिली. आमदार मोहिते यांच्या दडपशाहीला झुगारून शरद पवार यांच्याबरोबर जाण्याचा निर्णय घेतला असल्याचे देशमुख यांनी सांगितले. खासदार डॉ. अमोल कोल्हे यांनी निलेश लंके नंतर धैर्यशील मोहिते पाटील आणि मंत्री दिलीप वळसे पाटील यांचे समर्थक शेखर पाचुंदकर यांना राष्ट्रवादी काँग्रेस शरदचंद्रजी पवार पक्षात प्रवेश देऊन अजित पवार आणि महायुतीला सतत धक्के देत आहेत. त्याचबरोबर मध्यमांशी बोलताना डॉ. कोल्हे यांनी सांगितले आहे की हा तर ट्रेलर आहे चित्रपट बाकी आहे त्यामुळे आगामी काळात किती प्रवेश होणार आहे याकडे सर्वांचे लक्ष लागून आहे.
दरम्यान अतुल देशमुख यांसह पुणे शहर कार्यालयात खेडचे अनेक गावचे सरपंच, उपसरपंच, जवळपास ३५ ते ४० सरपंच उपस्थित आहेत त्याचबरोबर आळंदीचे अनेक माजी नगरसेवक, खेड व चाकणचे अनेक माजी नगरसेवक सोबत असल्याचे देशमुख यांनी सांगितले यावेळी सुधीर भोमाळे, मनोहर सांडभोर, राहुल आडारी, संतोष सांडभोर, चेतन बर्गे, केतन लगड, रामभाऊ शिंदे, बाळासाहेब शिंदे, अनंता भागीर, दत्ता कवडे, बारकू आवळे, कैलास चिखले, गणेश साबळे, सुनील काळोखे, विनोद लोहोट, गणेश लोहट, उमेश वर्पे, आदित्य गुंडरे, संजय मोहिते, दत्ता परदेशी, किरण येळवंडे, बाळासाहेब कहानी, पंडित गोडसे, प्रकाश बांगर, रघुनाथ लांडगे, संदीप दसगुडे, शिवाजी कड, मंगेश गुंडाळ, मनोहर सांडभोर, सचिन सातकर, बापू दौंडकर, अक्षय केदारी, राहुल पिंगळे, धीरज आदक, योगेश धायबर, निलेश पवार, आयुष जाधव, मंदार क्षीरसागर, यांसह अनेक कार्यकर्त्यांनी प्रवेश केला.
