पुणे -पुणे जिल्हा दूध उत्पादक संघ (कात्रज डेअरी) कडून ग्राहकांना मोठा दिलासा देण्यात आला आहे. दूध दरात दोन रुपयांची कपात करण्याचा निर्णय कात्रज डेअरीकडून घेण्यात आला आहे. संघाचे अध्यक्ष भगवान पासलकर यांच्या अध्यक्षतेखाली २४ नोव्हेंबर रोजी झालेल्या संचालक मंडळाच्या बैठकीत हा निर्णय घेण्यात आला.गायीच्या दूध दरात ही कपात केलेली असून डेअरीकडून टोण्ड मिल्क नावाने त्याची विक्री होते. ग्राहकांसाठी हा निर्णय शुक्रवारपासून (ता. १ डिसेंबर) लागू होणार असून ग्राहकांना १ लिटर पॅकिंगचे टोण्ड दूध आता ५३ रुपयांमध्ये उपलब्ध होणार आहे. तसेच, कमी स्निग्ध व जास्त प्रोटीन असलेले डबल टोण्ड दूधाची २५० मिलीची पिशवी आता १२ रुपयांत उपलब्ध असणार आहे.