पुणे /आळंदी-खेड तालुक्यातील आळंदी परिसरात खासदार डॉ. अमोल कोल्हे यांनी आज मंगळवार (दि. २) रोजी गावभेट दौरा केला. या निमशहरी भागातील दौऱ्यात नागरिकांचा मोठा प्रतिसाद पाहायला मिळाला. यावेळी खासदार डॉ. अमोल कोल्हे यांनी “मी सेवेकरी” फाउंडेशनच्या माध्यमातून देण्यात आलेल्या रुग्णवाहिकांचे लोकार्पण केले. आळंदी येथे श्री. ज्ञानेश्वर माऊलींच्या चरणी माथा टेकवत आशीर्वाद घेतले
दरम्यान केळगाव (ता. खेड) येथे सुरु असलेल्या यात्रेला भेट देत बैलगाडा घाटात जाऊन १९ वर्षांच्या “धिंगाण्या” या बैलाचा सन्मान केला. यावेळी बैलगाडा शौकिनांशी खासदार डॉ. अमोल कोल्हे यांनी संवाद साधला यावेळी ते बोलताना म्हणाले की, “नुसती बारी पुकारून चालत नाही जुंपनी कोणी टाकायची आणि जुकाट कोणाच्या खांद्यावर टाकायचं हे राजकारणात अनेकांना सद्या समजत नाही. एवढे मोठे नेते मंडळी एका शेतकऱ्याच्या पोराला घेरण्यासाठी शिरुर लोकसभा मतदारसंघात येत आहेत परंतु माझा सर्व बैलगाडा मालकांवर आणि सर्वसामान्य जनतेवर विश्वास आहे, मी तुमच्यासाठी लढतोय शेतकऱ्यांच्या प्रश्नांसाठी लढतोय, म्हणून माझा तुमच्यावर विश्वास आहे.”
दरम्यान कुरुळी, निघोजे, मोई, केळगाव, आळंदी या भागात दौरा सुरू असताना अशोक खांडेभराड, राहुल गोरे, सुधीर मुंगसे यांसह अनेक कार्यकर्ते उपस्थित होते.
खासदार डॉ. अमोल कोल्हे यांच्याकडून आमच्या १९ वर्षीय धिंगाण्या बैलाचा सत्कार केल्यामुळे आमच्या बैलाचा नावलौकिक आणखी वाढला आहे. १९ वर्षे याला सांभाळल्याचं चीज झाले. अनेक बक्षिसे धिंगाण्याने मिळवली परंतु आजचा सत्कार हा खूप बहुमूल्य आहे. मी खासदार डॉ. अमोल कोल्हे यांचे मनापासून आभार मानतो.