तर हाताचा पंजा भेट देऊ–शहरातील शासकीय जागेवर ठिकठिकाणी बेकायदेशीरपणे कमळाचे चिन्ह रंगवण्यात आले आहे. आचारसंहितेचे हे उल्लंघन आहे. त्यामुळे कारवाई बरोबरच या भिंती साफ झाल्या पाहिजेत. पुढील २४ तासात भिंतीवरील कमळ पुसले गेले नाही तर आम्ही लोकशाही मार्गाने आंदोलन करू. भाजपवर कारवाई न करणाऱ्या संबंधित अधिकाऱ्यांना हाताचा पंजा भेट देऊ, अशी भूमिका आमदार रविंद्र धंगेकर यांनी यावेळी मांडली.
पुण्यात भाजपकडून आचारसंहितेचा भंग
मोहन जोशी, रविंद्र धंगेकर यांनी घेतली निवडणूक निर्णय अधिकाऱ्यांची भेट
पुणे : पुण्यात भाजपकडून आचारसंहितेचा भंग करण्यात आला असून याबाबत काँग्रेसचे नेते मोहन जोशी, काँग्रेसचे आमदार रविंद्र धंगेकर यांच्या शिष्टमंडळाने निवडणूक निर्णय अधिकाऱ्यांची मंगळवारी (ता. १९) भेट घेवून संबंधितांवर कडक कारवाई करावी, अशी मागणी केली. त्यामुळे राजकीय वर्तुळात एकच खळबळ उडाली आहे.
आमदार रविंद्र धंगेकर म्हणाले, केंद्रीय निवडणूक आयोगाकडून शनिवारी (ता. १६) लोकसभा निवडणुकांची घोषणा करण्यात आली. निवडणुका जाहीर होताच आचारसंहिता लागू झाली. मात्र, भाजपकडून आदर्श आचारसंहितेचे वारंवार उल्लंघन होत आहे. यातून ते सुरवातीच्या दिवसापासून निवडणूक हायजॅक करू पाहत आहेत. आचारसंहिता लागू असताना शहरातील गल्लीबोळातील भिंतीवर कमळाचे चित्र भाजप रंगवत आहे. आजही हे ‘विद्रुपीकरण’ सुरू आहे. यावर निवडणूक निर्णय अधिकाऱ्यांनी आवर घालून दोषींवर योग्य ती कारवाई तातडीने करावी, अशी मागणी आम्ही यावेळी केली.
भाजपचे हे षडयंत्र
