आयुक्त विक्रम कुमार आणि भाजपच्या लोकांनी मिळून महापालिकेची तिजोरी लुटली
पुणे – ३ वर्षाहून अधिक काल महापालिकेत विक्रम कुमार हे आयुक्त म्हणून कसे काम करतात? त्यांनी आणि भाजपच्या लोकांनी मिळून महापालिकेची तिजोरी लुटण्याचे काम सुरु ठेवले आहे,भाजपचा अजेंडा चालविण्याचा कारभार ते करत आहेत,दोघे मिळून भ्रष्टाचार करत असून त्यांनी हे धंदे बंद करावेत अन्यथा रोज मला त्यांच्या बंगल्यावर येऊन बसावे लागेल असा इशारा आज येथे कॉंग्रेसचे कसबा पेठेतील आमदार रवींद्र धंगेकर यांनी दिला . आज त्यांनी महापालिका आयुक्त विक्रम कुमार यांच्या बंगल्या च्या प्रवेशद्वारावर ठिय्या मांडून आंदोलन केले.
भाजपचे तत्कालीन खासदार गिरीश बापट यांनी कसबा पेठेतील पाणी प्रश्नासाठी आयुक्तांच्या बंगल्यावर आंदोलन करून त्यांच्या बंगल्यातील पाण्याचे प्रेशर तपासण्याची कृती केली होती , यावेळी त्यांच्या समवेत २/३ नगरसेवक सोडले तर महापौर, स्थायी समिती अध्यक्ष व अन्य पदाधिकारी नव्हते या प्रसंगाची अनेकांना आठवण झाली.
ठिय्या मांडल्यावर माध्यमांशी बोलताना रवींद्र धंगेकर म्हणाले कि,’ गेल्या २ वर्षात आयुक्त विक्रम कुमार भाजपच्या ताटाखालचे मांजर होऊन काम करत आहेत .महापालिकेची तिजोरी लुटण्याचे काम विक्रम कुमार आणि भाजपा हे दोघे मिळून करत आहेत .अटलबिहारी वाजपेयी मेडिकल कॉलेन्ज्चे १७४ कोटी काढून त्यांनी वार्डात वाटलेत , २ वर्षे निवडणुका नाहीत,या काळात उदाहरणार्थ प्रभाग क्रमांक १८ ड यात १० लाख खर्च करणे असे शीर्षक टाकून हे बजेट खाण्याचे काम प्रशासन आणि भाजप करत आहेत, आता प्रशासकीय राजवट आहे पण अजून भाजपच्या नगरसेवकांचा असर यात दिसतो , एका एका वार्डात ५०/ ५० कोटी दिले , जे आरोग्यावर पैसे खर्च व्हायला हवे ते त्यांनी ड्रेनेज , गटारांच्या नावावर बोगस पणे खर्च दाखवून खिशात घालण्याचा प्रकार केला मिळकत करामध्ये अंदाधुंदी कारभार आहे. pcmc ला जसा एकपट मिळकत कर केला त्याकडे दुर्लक्ष यांचे आहे, या दोन वर्षातही अ ब क ड हे प्रभाग क्रमांक त्यांच्या डोक्यातून गेले नाही , दत्ता बहिरट यांच्या वार्डातला मुख्य सभेचा चा ठराव निरस्त न करता उद्घाटन केले ,कालच कोंढवा येथील एका लॅॅब मध्ये चुकीच्या पद्धतीने ठेका दिला गेला ,जलपर्णी काढण्याचाही ठेका हि चुकीच्या पद्धतीने दिला गेला अनेक भ्रष्टाचाराचे व्यवहार त्यांनी भाजपच्या लोकांना हाताशी धरून केलेत, ३ वर्षे पूर्ण होऊनही त्यांची बदली झाली नाही १/ १ दिवसात टेंडर काढून त्याच दिवशी किंवा दुसर्या दिवशी वर्क ऑर्डर दिल्यात , मी अनेकदा मुख्यमंत्र्याकडे तक्रारी करून उपयोग होत नाही , ठेकेदार भिंती रंगवून भाजपचा प्रचार करू लागले आहेत १०९ कोटीचा घोरपडी पेठ आणि विश्रांतवाडी उड्डाणपूल कामात ही भ्रष्टाचार झाला ,सॅनिटरी नॅॅपकीन मध्येही हे पैसे खातात , काही आमदारही त्यात आहेत , भारत सरकारच्या नव्हे तर मोदी सरकारच्या कार्यक्रमासाठी हे आयुक्त उधळपट्टी करतात , मी पोलिसात तक्रार दाखल केलीय ,पण गुन्हा दाखल केला जात नाही , लॅॅब ,वारजे पाणीपुरवठा, उड्डाणपूल याबरोबर आता सारसबागेत मॉल बांध्याचा प्रयत्न केला जातोय तिथे डीपी रोड आहे, अधिकाऱ्यांनी ताशेरे ओढलेत तरीही टेंडर काढून काम केले जातेय ,अतिक्रमण खात्यातही भ्रष्ट कारभार आहे महापालिकेची तिजोरी लुटून पुणेकरांचे पैसे भाजपच्या लोकांच्या खिशात घालायचे धंदे आयुक्त करत असल्याचा आरोप धंगेकर यांनी केला आहे.
