पुणे-पुणे विद्यापीठ १९४९ चे विद्यापीठ आहे,तेव्हापासून आजपर्यंत जर मेसचे जेवण चांगले नाहीये अशा तक्रारी विद्यार्थी करत असतील तर मला वाटते..बहिरोंको सुनानेके लिये धमाकोंकी जरुरत है..अशा शब्दात आज राज ठाकरे यांचे पुत्र अमित ठाकरे यांनी मोर्चाने निवेंदन दिल्यानंतर माध्यमांपुढे बोलतांना प्रतिक्रिया दिली.ज्या शहरात खासदार होण्यासाठी गुडघ्याला बाशिंगे लावून अतिउत्साही कार्यकर्ते गर्जना करत आहेत त्याच शहरात राज यांचे पुत्र पत्रकारांच्या प्रश्नांना उत्तरे देताना म्हणाले कि,मला निवडणूक लढविण्याची इच्छा नाही पण राज साहेबांनी सांगितले सरपंच हो तर ते सुद्धामी होईल.
अमित ठाकरे म्हणाले की,राज साहेबांनी जबाबदारी दिली,तर ते म्हणतील ते मी करणार.त्यांनी म्हटले तर लोकसभा लढवेल, विधानसभा लढवेल,नगरसेवक पण होईल, सरपंचदेखील होईल.पण माझी स्वत:ची निवडणूक लढवण्याची इच्छा नसल्याचं अमित ठाकरेंनी सांगितलं.मी जरी निरीक्षक म्हणून असलो तरी माझा अहवाल राज साहेब यांनाच देईल आणि तेच किती आणि कोणत्या जागा लढवायच्या कुणाला उमेदवारी द्यायची अगर नाही याचा निर्णय घेतील असे त्यांनी स्पष्ट केले.
अमित ठाकरे पुण्यात बोलतांना म्हणाले की,मी राजकारणात आल्यापासून पहिल्या राजकीय केसची वाट पाहत आहे.ती संधी पुणे विद्यापीठाने देऊ नये.मी त्यांना 8 दिवसांचा वेळ दिला आहे.त्या वेळेत त्यांनी कारवाई केली नाही.तर आम्ही आमच्या स्टाईलने आंदोलन करणार असल्याचा इशाराही अमित ठाकरे यांनी दिला आहे.यावेळी निकृष्ट पद्धतीने जेवण दिले जात असल्याचे पुरावे त्यांनी मध्यम प्रतिनिधींच्या पुढे ठेवण्याचा प्रयत्न केला.
शिक्षणाचे माहेरघर असलेल्या पुण्यात मोठ्या प्रमाणात ड्रग्ज पकडले जात आहे. हा अत्यंत गंभीर मुद्दा आहे. पुण्यात चार हजार कोटी रुपयांचे ड्रग्ज पकडले गेले आहे. जर 4 हजार कोटींचे ड्रग्ज सापडत असतील, तर हे अवैध गुन्हे कमी करण्यास गृहमंत्री देवेंद्र फडणवीस कुठेतरी कमी पडतांना दिसत आहे. जर एखाद्या शहरात एवढ्या मोठ्या प्रमाणात ड्रग्ज सापडत असेल, तर त्याला सर्वस्वी जबाबदार हे गृहमंत्री असल्याचे अमित ठाकरे म्हणाले.