चिमुकलीशी लैंगिक गैरवर्तन: आरोपीला तात्काळ बेड्या: २४ तासांचे आत न्यायालयात दोषारोपपत्र दाखल

पुणे- खाण्याचे आमीष दाखवुन चिमुकलीशी लैंगिक गैरवर्तन करणा-या आरोपीला तात्काळ बेड्या ठोकुन त्याचे विरुध्द २४ तासांचे आत न्यायालयात दोषारोपपत्र येथील लोणीकाळभोर पोलिसांनी दाखल केले आहे.
लोणीकाळभोर पोलीस स्टेशन गु र नं. १८६ / २०२६ भारतीय न्याय संहीता २०२३ चे कलम ७४ सह बालकाचे लैंगीक अपराधापासुन संरक्षण कायदा २०१२ चे कलम ८, १२ प्रमाणे दाखल गुन्हयातील फिर्यादी महिला यांचे ६ वर्षाच्या चिमुकलीला (निर्भयास) त्यांचेच परिसरात मौजे थेऊर ता. हवेली जि. पुणे गावचे हद्दीत भिमनगर येथे राहणा-या श्रीधर लिंबाजी कांबळे वय ४६ वर्षे रा. भिमनगर थेऊर ता. हवेली जि. पुणे याने निर्भया हिचे अल्पवयाचा गैर फायदा घेवुन, ती खेळत असताना तिला खाण्याचे आमीष दाखवुन, जवळ बोलावुन घेऊन तिचेसोबत लैंगिक गैरकृत्य केल्याबाबत निर्भयाचे आईने तक्रार दाखल केल्याने लोणी काळभोर पोलीसांनी तात्काळ घटनेचे गांभीर्य ओळखून आरोपीविरुध्द गुन्हा दाखल करुन त्यास तात्काळ अटक केली.
तसेच सदर गुन्हयाचा जलदगतीने २४ तासांच्या आत संपुर्ण तपास पूर्ण करुन आरोपीस जलदगतीने शिक्षा होईल या उद्देशाने त्याचे विरुध्द न्यायालयात दोषारोपपत्र दाखल केले आहे.
पोलीस आयुक्त अमितेश कुमार , पोलीस सह आयुक्त, रंजनकुमार शर्मा, ,अपर पोलीस आयुक्त मनोज पाटील, पोलीस उप-आयुक्त, परिमंडळ-6 सागर कवडे, सहा. पोलीस आयुक्त, लोणी काळभोर विभाग अनुराधा उदमले, वरीष्ठ पोलीस निरीक्षक राजेंन्द्र पन्हाळे, पोलीस निरीक्षक, (गुन्हे) स्मिता पाटील, पोलीस निरीक्षक (गुन्हे) स्नेहल राजे, यांचे मार्गदशनाखाली तपास अधिकारी स.पो.निरीक्षक, कृष्णा बाबर, पोलीस उप. निरीक्षक पुजा माळी, पोलीस उप निरीक्षक रुपाली जाधव, पोलीस अंमलदार सागर जगदाळे, चेतन कुंभार यांचे पथकाने हि कारवाई केली.