पुणे- मुंबई-पुणे यशवंतराव चव्हाण द्रुतगती महामार्ग, हिंदूहृदय सम्राट बाळासाहेब ठाकरे महाराष्ट्र समृद्धी महामार्ग या महामार्गावर आणि अटलबिहारी वाजपेयी शिवडी-न्हावा शेवा अटल सेतूवर प्रवासी इलेक्ट्रिक वाहनांना १००% पथकर माफी देण्यात येत आहेअसा अध्यादेश शासनाने काढला आहे.
शासनाने काढलेल्या या अध्यादेशात नेमके काय म्हटले आहे ते वाचा जसेच्या तसे …
महाराष्ट्र इलेक्ट्रिक वाहन धोरण-२०२५ (Maharashtra Electric Vehicle Policy-२०२५).
महाराष्ट्र शासन
गृह विभाग
शासन शुध्दीपत्रक क्रमांक एमव्हीआर-०१२५/प्र.क्र.१३/परि-२
मादाम कामा मार्ग, हुतात्मा राजगुरु चौक, मंत्रालय, मुंबई-४०० ०३२.
दिनांक :-
२९ ऑगस्ट, २०२५.
वाचा :- परिवहन विभागाचा शासन निर्णय क्र. एमव्हीआर-०१२५/प्र.क्र.१३/परि-२, दिनांक २३.०५.२०२५.
प्रस्तावना :महाराष्ट्र इलेक्ट्रिक वाहन धोरण-२०२५ हे दिनांक २३.०५.२०२५ रोजीच्या शासन निर्णयान्वये जाहिर करण्यात आले आहे. सदर शासन निर्णयामधील परिच्छेद क्र. ४.२) प्रवासी इलेक्ट्रिक वाहनांना पथकर माफ करणे (Demand side policy intervention)- यामध्ये नमूद प्रवासी इलेक्ट्रिक वाहनांच्या पथकर माफीच्या रक्कमेची प्रतिपूर्ती करण्याबाबतच्या कार्यवाहीमध्ये सुधारणा करण्याचे शासनाच्या विचाराधीन होते.
शासन शुध्दीपत्रक –
महाराष्ट्र इलेक्ट्रिक वाहन धोरण-२०२५ हे दिनांक २३.०५.२०२५ रोजीच्या शासन निर्णयान्वये जाहिर करण्यात आले आहे. सदर शासन निर्णयामधील परिच्छेद क्र. ४.२) प्रवासी इलेक्ट्रिक वाहनांना पथकर माफ करणे (Demand side policy intervention) मधील मुद्दा क्र. १ मध्ये
१) सदर धोरणामुळे मुंबई-पुणे व मुंबई-नागपूर या शहरांच्या दरम्यान शाश्वत परिवहन
छन्नमार्गाचे प्रात्यक्षिक दाखवणे शक्य होईल. या उपक्रमाचा एक भाग म्हणून मुंबई-पुणे यशवंतराव चव्हाण द्रुतगती महामार्ग, हिंदूहृदय सम्राट बाळासाहेब ठाकरे महाराष्ट्र समृद्धी महामार्ग या महामार्गावर आणि अटलबिहारी वाजपेयी शिवडी-न्हावा शेवा अटल
सेतूवर प्रवासी इलेक्ट्रिक वाहनांना १००% पथकर माफी देण्यात येत आहे. यासाठी माफ करण्यात येणाऱ्या पथकर माफीच्या रकमेची प्रतिपूर्ती अर्थसंकल्पीय तरतुदीद्वारे परिवहन विभागाकडून सार्वजनिक बांधकाम विभागास करण्यात येईल.
याऐवजी
सदर धोरणामुळे मुंबई-पुणे व मुंबई-नागपूर या शहरांच्या दरम्यान शाश्वत परिवहन छन्नमार्गाचे प्रात्यक्षिक दाखवणे शक्य होईल. या उपक्रमाचा एक भाग म्हणून मुंबई-पुणे यशवंतराव चव्हाण द्रुतगती महामार्ग, हिंदूहृदय सम्राट बाळासाहेब ठाकरे महाराष्ट्र समृद्धी महामार्ग या महामार्गावर आणि अटलबिहारी वाजपेयी शिवडी-न्हावा शेवा अटल सेतूवर प्रवासी इलेक्ट्रिक वाहनांना १००% पथकर माफी देण्यात येत आहे. यासाठी मुंबई-पुणे यशवंतराव चव्हाण द्रुतगती महामार्ग, हिंदूहृदय सम्राट बाळासाहेब ठाकरे महाराष्ट्र समृद्धी महामार्ग आणि अटलबिहारी वाजपेयी शिवडी-न्हावा शेवा अटल सेतू या महामार्गावर प्रवासी इलेक्ट्रिक वाहनांना करण्यात येणाऱ्या पथकर माफीच्या रकमेची प्रतिपूर्ती अर्थसंकल्पीय तरतुदीद्वारे परिवहन विभागाकडून संबंधित विभाग /प्राधिकरणास करण्यात येईल, असे वाचावे.
महाराष्ट्राचे राज्यपाल यांच्या आदेशानुसार व नावाने.
SAGAR
DHONDIRAM PATIL
(सागर धों. पाटील) कक्ष अधिकारी, महाराष्ट्र शासन
