पुणे : महानगरपालिकेकडून महाराष्ट्र महापालिका कायद्यांतर्गत आंबेगाव बु. येथील अनधिकृत 11 बांधकामांना नोटीस बजावण्यात आली होती. हे बांधकाम बंद न ठेवल्यामुळे तसेच स्वत:हुन काढुन न घेतल्यामुळे 28 डिसेंबर रोजी 11 अनधिकृत बांधकामावर कारवाई करुन पाडण्यात आले. अनधिकृत बांधकाम करणाऱ्या विकसक, मालक, विकसनकर्ते यांच्यावर गुन्हा दाखल करावा, असे पत्र पुणे मनपाने भारती विद्यापीठ पोलिसांना दिले आहे.
संबंधितांवर एम.आर.टी.पी अॅक्ट (MRTP Act) नुसार कारवाई करावी. याबाबत संबंधिताविरुद्ध बांधकाम विकास विभाग,
झोन दोनचे कनिष्ठ अभियंता उमेश गोडगे गुन्हा दाखल करणार असूनसंबंधितांवर गुन्हा (FIR) दाखल करावा, असे पुणे मनपाने दिलेल्या पत्रात म्हटले आहे.
आंबेगाव बु. स.नं. 10 येथील अथर्व डेव्हलपर्स चे 4350 चौ. फुट, साई गणेश डेव्हलपर्स चे 4300 चौ. फुट, श्रावणी डेव्हलपर्स
चे 4200 चौ. फुट, आर एल चोरगे व इतर यांचे 4250 चौ. फुट, श्री डेव्हलपर्स चे 4200 चौ. फुट, साईनाथ डेव्हलपर्स चे 4350
चौ. फुट, समर्थ डेव्हलपर्स चे 4450 चौ. फुट, गवळी व इतर यांचे 4500 चौ. फु. मौर्य डेव्हलपर्स चे 8300 चौ. फुट,
गुरुदत्त डेव्हलपर्स (एमएन कोंढरे) 2150 चौ. फुट यांच्यावर कारवाई करण्याचे पत्र पुणे मनपाने भारती विद्यापीठ
पोलिसांना दिले आहे, अशी माहिती कार्यकारी अभियंता हेमंत मोरे यांनी दिली.
