नवी दिल्ली- सीएसआयआरचे संचालक प्रा. प्रदीप कुमार रामनचर्ला म्हणाले , “दिल्लीला सकाळी 5.30 च्या सुमारास आलेला भूकंप हा एक सौम्य भूकंप होता. भूकंप क्षेत्रानुसार, दिल्ली झोन 4 मध्ये आहे. हा एक सौम्य भूकंप होता. बहुतेक लोकांना तो जाणवला, पण जे मोकळ्या मैदानात होते त्यांना ते जाणवले नसेल.”
दिल्लीत भूकंपाचे धक्के जाणवल्यानंतर पंतप्रधान नरेंद्र मोदी यांनी सर्वांना शांत राहण्याचे व सुरक्षिततेचे उपाय करण्याचे आवाहन केले आहे. मोदी म्हणाले की, अधिकारी परिस्थितीवर बारकाईने लक्ष ठेऊन आहेत.
पंतप्रधानांनी X या समाजमाध्यमावरील पोस्टमध्ये म्हटले आहे की; “दिल्ली व आसपासच्या भागात भूकंपाचे धक्के जाणवले आहे. सर्वांनी शांत राहण्याचे व सुरक्षिततेच्या खबरदारीचे पालन करण्याचे, तसेच संभाव्य भूकंपाच्या धक्क्यांबाबत सतर्क राहण्याचे आवाहन मी करतो. अधिकारी परिस्थितीवर बारकाईने लक्ष ठेवून आहेत.”
