मुंबई- अभिनेत्री क्रांती रेडेकर हिच्या घरी चोरी झाल्याचे उघडकीस आले आहे. आपल्या घरात काम करणाऱ्या मोलकरनीने ही चोरी केली असल्याचा आरोप क्रांती रेडकरने केला आहे.घरातील मौल्यवान असे साडेचार लाख रुपये किमतीचे घड्याळं चोरी झाल्याची तक्रार क्रांतीने गोरेगाव पोलिस ठाण्यात दिली आहे. त्यांनतर गोरेगाव पोलिसांनी गुन्हा नोंद केला असून यासंदर्भात अधिकचा तपास करत आहेत.
पोलिसांनी दिलेल्या माहितीनुसार, क्रांती रेडकर यांनी एका एजन्सी मार्फत घरात काम करणाऱ्या महिलेची नेमणूक केली होती. मात्र, काही दिवस काम केल्यानंतर घरात कोणी नसताना योग्य संधी साधत मोलकरनीने चोरी केली. त्यानंतर ही महिला फरार झाली आहे. क्रांतीच्या तक्रारीच्या आधारावर गोरेगाव पोलिस तपास करत आहेत आणि त्या मोलकरणीला ज्या संस्थेने नोकरी दिली होती तिचा तपास सुरू आहे.
क्रांती रेडेकर यांचा 2017 साली क्रांती यांचा समीर वानखेडे यांच्याशी विवाह झाला होता. क्रांती आणि समीर यांना झिया आणि झायदा या दोन जु्ळ्या मुली आहेत. क्रांती रेडकर यांनी 2000 साली ‘सून असावी अशी’ या चित्रपटातून त्यांनी अभिनय क्षेत्रात पदार्पण केले होते.2006 साली आलेल्या ‘जत्रा- ह्याला गाड रे त्याला गाड’ या चित्रपटात क्रांती यांची भूमिका होती. याच चित्रपटातल्या कोंबडी पळाली तंगडी धरून या गाण्याने आणि त्याहून जास्त ‘गंगाजल ‘या हिंदी चित्रपटाने तिला लोकप्रियता मिळवून दिली होती .बॉलिवूडमधील ड्रग्ज कनेक्शनची चौकशी करणारे नार्कोटिक्स कंट्रोल ब्युरोचे अधिकारी म्हणून आजवर समीर वानखेडे महराष्ट्रासह देशाला परिचित झाले असावेत.
