मधुमेह व अस्थिघनता तपासणी शिबिराचे सुर्यदत्ता पुनर्वसन केंद्रांतर्गत आयोजन
पुणे : सुर्यदत्ता ग्रुप ऑफ इन्स्टिट्यूटच्या सुर्यदत्ता ग्लोबल रिहबिलिटेशन सेंटर फॉर डिअॅडिक्शनतर्फे चेलाराम डायबेटिस अॅन्ड मल्टिस्पेशालिटी हॉस्पिटलच्या सहकार्याने संस्थेच्या कर्मचार्यांसाठी मोफत मधुमेह व अस्थिघनता तपासणी शिबिराचे आयोजन केले होते. बावधनच्या सरपंच पियुषा दगडे आणि सामाजिक कार्यकर्ते बबन दगडे यांच्या हस्ते शिबिराचे उद्घाटन झाले. या दोघांनेही आपली मधुमेह व अस्थिघनता तपासणी करुन घेतली.
या शिबिरात जवळपास 130 जणांची तपासणी करण्यात आली. त्यामध्ये शिक्षक-शिक्षकेतर कर्मचार्यांचा समावेश होता. तपासणीअंती आवश्यकतेनुसार उपचार घेण्याचा सल्ला देण्यात आला. कर्मचार्यांचे आरोग्य सदृढ राहावे, यासाठी भविष्यातही विविध प्रकारची शिबिरे संस्थेच्या वतीने घेतली जाणार आहेत, असे सुर्यदत्ता ग्रुप ऑफ इन्स्टिट्यूटचे संस्थापक डॉ. संजय चोरडिया यांनी सांगितले. दगडे दाम्पत्याने या उपक्रमाचे कौतुक करीत सुर्यदत्ता संस्थेला व चेलाराम हॉस्पिटला धन्यवाद दिले.