शेअर बाजारांमध्ये युनिट्सची लिस्टिंग झाल्यानंतर नेक्सस सिलेक्ट ट्रस्ट हे भारतातील पहिले पब्लिकली लिस्टेड कन्जम्पशन सेंटर रीट असेल अशी अपेक्षा आहे.
· प्राईस बँड प्रति युनिट ९५ ते १०० रुपयांच्या दरम्यान निश्चित करण्यात आला आहे.
· अँकर गुंतवणूकदारांसाठी बोली लावण्याची तारीख – सोमवार, ८ मे २०२३
· बोली/ऑफर सुरु होणार – मंगळवार, ९ मे २०२३
· बोली/ऑफर बंद होणार – गुरुवार, ११ मे २०२३
· अँकर गुंतवणूकदारांखेरीज इतर गुंतवणूकदारांना कमीत कमी १५० युनिट्ससाठी आणि त्यापुढे १५० च्या पटीत बोली लावता येईल.
पुणे- ४ मे २०२३: भारतामध्ये कन्जम्पशन सेंटर्सचा सर्वात मोठा पोर्टफोलिओ (स्रोत: सीबीआरई रिपोर्ट, पूर्ण क्षेत्रानुसार) ज्यांच्या मालकीचा आहे त्या नेक्सस सिलेक्ट ट्रस्टने आपला आयपीओ मंगळवार ९ मे २०२३ रोजी खुला करण्याचे ठरवले आहे. नेक्सस सिलेक्ट ट्रस्टच्या पोर्टफोलिओमध्ये १७ श्रेणीतील सर्वोत्तम ग्रेड ए अर्बन कन्जम्पशन सेंटर्स, २ कॉम्प्लिमेंटरी हॉटेल संपत्ती आणि ३ कार्यलय संपत्तींचा समावेश आहे. आयपीओमधील सर्व युनिट्स मिळून किंमत ३२०००.०० मिलियन रुपयांपर्यंत असणार आहे. विनफोर्ड इन्व्हेस्टमेंट्स लिमिटेड (ब्लॅकस्टोन फंड्सची पोर्टफोलिओ कंपनी) नेक्सस सिलेक्ट ट्रस्टची प्रायोजक असून नेक्सस सिलेक्ट मॉल मॅनेजमेंट प्रायव्हेट लिमिटेड हे मॅनेजर आहेत. ऍक्सिस ट्रस्टी सर्व्हिसेस लिमिटेड हे नेक्सस सिलेक्ट ट्रस्टचे विश्वस्त आहेत.
नेक्सस सिलेक्ट ट्रस्टच्या आयपीओमध्ये १४०००.०० मिलियन रुपयांपर्यंतचे युनिट्स नव्याने जारी केलेले असतील (फ्रेश इश्यू) आणि १८०००.०० मिलियन रुपयांपर्यंतचे युनिट्स, युनिट्सची विक्री करू इच्छिणाऱ्या युनिटधारकांकडून विक्रीसाठी प्रस्तुत केले जातील (ऑफर फॉर सेल) (ऑफर फॉर सेल व फ्रेश इश्यू यांना एकत्रितपणे “ऑफर” असे संबोधण्यात येईल)
ऑफरसाठी प्राईस बँड प्रति युनिट ९५ ते १०० रुपयांपर्यंत निश्चित करण्यात आला आहे. बोली/ऑफर गुरुवार ११ मे २०२३ रोजी बंद होईल. अँकर गुंतवणूकदार बोली/ऑफर खुली होण्याच्या एक कार्यालयीन दिवस आधी म्हणजे सोमवार ८ मे २०२३ रोजी बोली लावू शकतील.
ब्लॅकस्टोनचे एशिया पॅसिफिकचे चेअरमन आणि रिअल इस्टेट एशियाचे हेड ख्रिस हेडी यांनी सांगितले, “भारतातील पहिले रिटेलवर लक्ष केंद्रित करणारे रीट नेक्सस सिलेक्ट ट्रस्ट लॉन्च करत असल्याचा आम्हाला अतिशय आनंद होत आहे. भारताप्रती ब्लॅकस्टोनची वचनबद्धता यामुळे अधोरेखित झाली आहे, गेल्या १५ वर्षांहून अधिक काळापासून आम्ही भारतात आमचे मजबूत स्थान निर्माण केले आहे आणि भारतातील पहिले दोन रीट लॉन्च करण्यात आमचा सहभाग आहे.”
नेक्सस सिलेक्ट मॉल मॅनेजमेंट प्रायव्हेट लिमिटेडचे चीफ एक्झिक्युटिव्ह ऑफिसर दलिप सेहगल यांनी सांगितले, “नेक्सस सिलेक्ट ट्रस्ट हा भारतातील सर्वात मोठा मॉल प्लॅटफॉर्म असून भारतामध्ये उत्पादनांचा वापर व खरेदीमध्ये होत असलेल्या वाढीचे लाभ घेण्यासाठी सुसज्ज आहे. भारताच्या रिटेल वाटचालीत आघाडीवर असल्याचा आम्हाला अभिमान आहे.”
या ऑफरचे बुक रनिंग लीड मॅनेजर्स पुढीलप्रमाणे आहेत – बीओएफए सिक्युरिटीज इंडिया लिमिटेड, ऍक्सिस कॅपिटल लिमिटेड, सिटीग्रुप ग्लोबल मार्केट्स इंडिया प्रायव्हेट लिमिटेड, एचएसबीसी सिक्युरिटीज अँड कॅपिटल मार्केट्स (इंडिया) प्रायव्हेट लिमिटेड, आयआयएफएल सिक्युरिटीज लिमिटेड, जेएम फायनान्शियल लिमिटेड, जे पी मॉर्गन इंडिया प्रायव्हेट लिमिटेड, कोटक महिंद्रा कॅपिटल कंपनी लिमिटेड, मॉर्गन स्टॅनले इंडिया कंपनी प्रायव्हेट लिमिटेड आणि एसबीआय कॅपिटल मार्केट्स लिमिटेड.