Advt.

.

0
Advt.

.

0
Advt.

.

0
Advt.

.

0

शिवसेना संपवण्याच्या भ्रमात राहाल तर तुम्ही संपाल -शिवसेना नेते चंद्रकांत खैरे यांचे प्रत्युत्तर

Date:

माझ्यासमोरच शहांनी ठाकरेंना दिला होता शब्द; तुम्ही काय आम्हाला जमीन दाखवणार, आम्हीच दाखवू!

तुम्ही काय शिवसेना प्रमुख उद्धव ठाकरेंना जमीन दाखवणार? आम्ही तुम्हाला जमीन दाखवू. शिवसेना संपवण्याच्या भ्रमात राहू नका. शिवसेना संपणार नाही. पण, तुम्ही संपाल, अशा शब्दात शिवसेना नेते चंद्रकांत खैरे यांनी केंद्रीय गृहमंत्री अमित शाह यांना प्रत्युत्तर दिले.

50-50चा फॉर्म्युल्यावर चंद्रकांत खैरे म्हणाले की, उद्धव ठाकरे आणि अमित शहा यांच्यात झालेल्या बैठकीत शिवसेना नेता म्हणून मी हजर होतो. या बैठकीत पहिले अडीच वर्ष मुख्यमंत्री पद एका पक्षाला आणि दुसरे अडीच वर्ष मुख्यमंत्रीपद दुसऱ्या पक्षाला मिळणार असे ठरले होते. असे असल्यानंतर जर आता अमित शहा हे उद्धव ठाकरेंना खोटे म्हणत असतील तर ही चीड आणणारी बाब आहे. हे आम्ही सहन करणार नाही. अमित शहा यांच्यासारख्या मोठ्या पदावरील व्यक्तीने असे खोटे बोलणे चुकीचे आहे, असे म्हणत त्यांनी हल्लाबोल केला.

ते म्हणाले की, ठरल्याप्रमाणे न वागता पाचही वर्ष मुख्यमंत्रीपद घेत भाजपने आम्हाला धोका दिला. शिवसेनेला पुर्णपणे दाबण्याचा प्रयत्न केला होता. ते ठाकरे असून यांच्यासारखे पलटणारे नाहीत. भाजपने धोका दिल्याने विकासासाठी मग महाविकास आघाडी स्थापन करण्यात आल्याचे त्यांनी सांगितले.

हिंदुत्व आम्ही कधी सोडले नाही

हिंदुत्वावरुन शिवसेनेवर टीका करणाऱ्यांना चंद्रकांत खैरे यांनी सडेतोड उत्तर दिले. ते म्हणाले की, हिंदुत्व आम्ही कधी सोडले नाही आणि सोडणारही नाही. आता आमची बदनामी करण्याचे काम भाजपचे सर्व नेते करत आहेत. बाळासाहेबांचे बोट पकडून भाजप मोठा झाला. आज गोपिनाथ मुंडे आणि प्रमोद महाजन हे दोघेही नाहीत. 1988 च्या औरंगाबाद महापालिका निवडणुकांमध्ये भाजप एकही जागा जिंकू शकला नव्हता. तेव्हा मुंडे आणि महाजन हे बाळासाहेबांकडे आले होते. बाळासाहेबांनी त्यांना साथ दिली. तेव्हा अमित शहा कुठे होते, असा सवाल त्यांनी केला.

काय म्हणाले अमित शहा?

केंद्रीय गृहमंत्री आणि भाजपाचे ज्येष्ठ नेते अमित शहा यांनी मुंबई दौऱ्यादरम्यान भाजप नेत्यांना संबोधित केले. यावेळी त्यांनी उद्धव ठाकरे यांच्यावर जोरदार टीका केली.महाराष्ट्रातले हिंदूविरोधी राजकारण संपवायचे आहे. उद्धव ठाकरेंनी आपल्याला दगा दिला. शिवसेनेनं पाठीत खंजीर खुपसलं. त्यामुळे उद्धव ठाकरेंना जमीन दाखवा, असे ते म्हणाले. तसेच नरेंद्र मोदींच्या नावावर, देवेंद्र फडणवीसांच्या कामावर मते मागितली आणि जिंकून आले. तुम्ही जनतेचा विश्वासघात केला. राजकारणात सगळे काही सहन करा मात्र धोका सहन करू नका. जे धोका देतात त्यांना योग्य ती शिक्षा झालीच पाहिजे, असे शहा म्हणाले.

SHARAD LONKAR
SHARAD LONKARhttps://mymarathi.net/
पुण्याचे स्वतंत्र ,पहिले,ऑनलाइन मराठी न्यूज पोर्टल.. http://mymarathi.net/ पुणे महापालिकेची मुख्य सभा लाईव्ह करणारे सर्वात पहिले न्यूज पोर्टल .. C.G.Registration No.MSME/ MH- 26-0179354,M.G. RC No. DCL 2131000315798079 मालक-संपादक : शरद लोणकर( mobile-9423508306) sharadlonkarpune@gmail.com - State Committe Member Of Digital Media Editor Journalist Association Maharshtra *1984 पासून पुण्यात पत्रकारिता, *आजीव सभासद - अखिल भारतीय मराठी चित्रपट महामंडळ, *आजीव सभासद - महाराष्ट्र साहित्य परिषद, *पुण्याच्या रस्त्याखाली ३० फुट खोल उतरून पेशवेकालीन भुयारी पाणीपुरवठा यंत्रणेचा प्रत्यक्षात माग काढणारा पहिला पत्रकार म्हणून मान मिळविला ... *स्वातंत्र्य वीर सावरकर यांचे नातू प्रफुल्ल चिपळूणकर हे सारस बागेजवळ भिक्षुकाच्या अवस्थेत दुर्लक्षित जिवन जगत असल्याचे सर्वप्रथम निदर्शनास आणून दिले *इराक मध्ये अडकलेल्या भारतीय मजुरांची सुटका होण्यासाठी विशेष प्रयत्न -लातूर मधील ५ तरुणांची सुटका . *निगडीतील २ महिन्यात दुप्पट पैसे देणाऱ्या सनराईज कन्सल्टन्सी च्या तथाकथित एल टीटीइ हस्तकाचा पर्दाफाश-संबधित फरार https://www.facebook.com/MyMarathiNews/

Share post:

Popular

More like this
Related

ग्रंथालयांच्या अडचणी सोडण्यासाठी शासन प्रयत्नशीलउच्च व तंत्र शिक्षण मंत्री चंद्रकांत पाटील

पुणे दि - 28 जिल्हा वार्षिक योजनेअंतर्गत ग्रंथालयांना अनुदान...

शिक्षक अभियोग्यता व बुद्धीमत्ता चाचणी परीक्षेचे आयोजन

पुणे, दि. २८: महाराष्ट्र राज्यातील सर्व स्थानिक स्वराज्य संस्था...