पुणे-
नगरसेविका प्रा. सौ. ज्योत्स्ना गजानन एकबोटे यांच्या वतीने दिवाळी निमित्त पुणे महानगरपालिकेच्या स्वच्छता कर्मचारी यांच्या गौरव सोहळ्याचे आयोजन आज करण्यात आले होते . मॉडेल कॉलनी डेक्कन जिमखाना परिसरातील स्वच्छता, विदयुत, किटक प्रतिबंधक, व सर्व आरोग्य कर्मचारीवर्ग, यांचा सहभाग मोठ्या प्रमाणात होता. या वेळी नगरसेविका प्रा. सौ. ज्योत्स्ना गजानन एकबोटे यांनी आपल्या मनोगतात या पुढील काळात महानगरपालिकेचे स्वच्छता कर्मचारी व त्याचे कुटुंबिय यांचे आरोग्य चांगले राहावे यासाठी लवकरच आरोग्य शिबिराचे देखील आयोजन करण्यात येणार आहे अशी घोषणा यावेळी त्यांनी केली. स्वच्छता हीच सेवा मानून काम करण्यासाठी योगदान देणा-या पुणे महानगरपालिकेच्या स्वच्छता कर्मचार्यांचे योगदान मोठे आहे .
भारताचे पंतप्रधान आदरणीय श्री. नरेंद्र मोदी यांच्या स्वच्छ भारत अभियाना संदर्भातील माहिती यावेळी नगरसेविका प्रा.सौ. ज्योत्स्ना गजानन एकबोटे यांनी दिली. आपल्या सर्व कर्मचारी वर्गाच्या योगदानामुळे भारत एक दिवस स्वच्छ भारत म्हणून ओळखला जाईल याची मला खात्री आहे. आपण दैनंदिन रित्या प्रभाग स्वच्छ करत आहात त्यामुळे येथील नागरिकांचे आरोग्य चांगले राहण्यासाठी मदत होत आहे. माझ्या प्रभागातील प्रत्येक स्वच्छता कर्मचारी हा माझा रियल हिरो आहे त्याचप्रमाणे माझ्या परिवाराचा सदस्य आहे. असे त्यांनी आपल्या मनोगतात मत व्यक्त केले .
या कार्यक्रमास प्रोग्रेसिव्ह एज्युकेशन सोसायटीचे कार्याध्यक्ष प्रा. डॉ. गजानन एकबोटे , तसेच प्रभागातील कार्यकर्ते, योगेश सावरकर, देवेंद्र साठे, विलास लाड ,ॠषीकेश कोंढाळकर ,महेश गायकवाड , प्रकाश साबळे , हेमंत शेवाळे , विवेकानंद भरगुडे, व महापालिकेचे प्रमुख आरोग्य निरीक्षक आय.एस.इनामदार , तसेच प्रभागातील सर्व आरोग्य निरीक्षक शिवाजी गायकवाड , निलीमा काकडे , कविता खरात , किरण मांडेकर , शिवाजी नलावडे यावेळी उपस्थित होते.
